Blitz

 Breaking News

Ajo që bëri Dragos për mamanë e Angela Martinit tregon se është një dhëndër shembullor

Ajo që bëri Dragos për mamanë e Angela Martinit tregon se është një dhëndër shembullor
February 06
10:48 2019

Angela Martini dhe Dragos kurorëzuan dashurinë e tyre vitin e kaluar në një ceremoni mjaft të veçantë. Modelja shqiptare duket se është mjaft e lumtur dhe kjo shihet edhe nga postimet e saj në rrjetet sociale ku në asnjë prej tyre nuk mungon bashkëshorti i saj.

Në një intervistë të dhënë së fundmi për “Revistën Who” Anxhela ka folu edhe për marrëdhëniet me prindërit e Dragos dhe mesa duket gjërat po shkojnë për mrekulli.

“Marrëdhënia ime me prindërit e Dragos është e jashtëzakonshme. Ata janë engjëj! Jam e bekuar që i kam. Verën e kaluar ata vizituan Shkodrën dhe kaluan një javë me prindërit e mi, pa mua dhe Dragos-in. Ata e pëlqyen dhe e kuptuan shumë mirë njëri-tjetrin, njësoj si një familje e vërtetë.”

Por le të ndalemi pak tek ajo çfarë Anxhela rrëfeu kur foli për raportet e Dragosit me familjarët e saj. Modelja ka rrëfyer një histori mjaft emociunuese që i ka ndodhur me mamanë e saj kur ata ndodheshin në muaj mjalti dhe e ëma ishte sëmurë.

Drago ka bërë atë që Angela dhe mamaja e saj nuk do ta harrojnë kurrë.

“Vitin e kaluar, ndërkohë që ne ishim me muaj mjalti në Seychelles, nëna ime ishte me pushime në Shkodër dhe u sëmur dhe nuk më tha asgjë për disa ditë, sepse nuk donte të më shkatërronte muajin e mjaltit, veprim tipik mamash. Më pas zbulova se sa e sëmurë ishte dhe se jeta e saj ishte në rrezik.

Dragos e kuptoi përpara meje se sa serioze ishte situata dhe më tha: ‘Fokusohu dhe më dëgjo mua. Së pari, në këtë sekondë dërgoje në spital tek doktori më i mirë në Shkodër, Dr. Besmir Grizhja. E dyta, më trego rezultatet e analizave të gjakut dhe të gjitha analizave të tjera që do marrësh nga doktori. E treta, thuaji nënës se duhet të largohet nga spitali për 3 orë, sepse një avion privat i pajisur me çdo mjet mjekësor dhe një doktor do ta marrë për ta çuar në Zyrih dhe një ambulancë do e presë në aeroportin e Zyrih-ut për të shkuar në Spitalin Universitar të Zyrih-ut, ku po e presin një grup mjekësh.

Pasi nëna ime arriti në Spitalin Universitar të Zyrih-ut nuk pati asnjë përmirësim dhe ne nuk ishim plotësisht të kënaqur me mjekët. Dragos nuk donte të ndërmerrte ndonjë rrezik dhe arriti ta transferonte me një ambulancë në spitalin më të mirë privat në Zvicër, ‘Hirslanden’. Atje ajo u trajtua nga profesorët më të mirë dhe pas 2 orësh u ndje më mirë dhe u shërua plotësisht. E gjitha kjo u bë nga ne, si skuadër, duke folur në telefon nga një ishull në Seychelles. Siç thashë ky është njëri prej shembujve nga shumë të tjerë, kështu mund ta gjykoni vetë! Pasi ndodhi e gjithë kjo, nëna ime thotë se Dragos është djali i saj i dytë”, – tregoi Angela.

Pra a do ta bënit edhe ju diçka të tillë për vjehrrën tuaj, sigurisht nëqoftëse do të kishit mundësi?

 

Share