Blitz

 Breaking News

(Video)Rikthehet Titanik II, do të realizojë udhëtimin e parë në vitin 2022

(Video)Rikthehet Titanik II, do të realizojë udhëtimin e parë në vitin 2022
October 28
11:42 2018

Kanë kaluar 106 vjet që kur anija origjinale e Titanik u mbyt në ujërat e oqeanit Atlantik por gjithsesi madhështia e dizanjit të tij vazhdon të jetë frymëzim për projekte të ndryshme. Vjeshtën e vitit të kaluar një muze u hap në Belfast me artifakte origjinale nga ndërtimi i anijes ndërkohë që në vitin 2022 të pritet të fillojë udhëtimi i Titanic II, një imitimi perfekt i mjetit lundrues por sigurisht më modern.

Në fakt linja australiane “Blue Star Line” e ka nisur projektin e ndërtimi të Titanic II që në vitin 2012 por si pasojë e disa problemeve financiare u la në mes për të rifilluar sërish këtë vit. Ditët e fundit, Clive Palmer, presidenti i kësaj kompanie ka shpërndarë lajmin se ndërtimi është duke shkuar përpara dhe pritet që anija në vitin 2022 të realizojë kroçerën e parë nga Southamptoni në New York, që është dhe rruga origjinale që duhej të përshkronte anija origjinale më shumë se një shekull më parë. Gjithashtu anija do ketë 2400 pasangjerë në bord, 900 pjestarë ekuipazhi dhe modeli e çdo gjë tjetër do jetë një imitim perfekt i Titanik-ut të parë.

Pjesa më e rëndësishme është se do të ketë më shumë anije shpëtimi dhe paisje shumë moderne udhëtimi që duhet të sigurojnë një rruge kësaj rradhe pa incidente. Pas udhëtimit të parë pritet që anija të përdoret për udhëtime në të gjithë botën.

Do jetë shuëm interesante të shohësh një Titanik modern të niset dhe sigurisht presim të shohim pafund foto të çifteve në bord si Jack dhe Rose. Akoma më e bukur do ishte të shihnim dhe Leo DiCaprion si pasagjer në udhëtimin e parë drejt Neë York. /Blitz.al/

Share