Blitz

 Breaking News

Kryemadhi: Covid-19 është një konspiracion

Kryemadhi: Covid-19 është një konspiracion
April 25
16:04 2020

Kryetarja e LSI-së, Monika Kryemadhi është e mendimit se COVID-19 është një konspiracion. Në një lidhje direkte në Ora Neës, shprehu dyshimet se koronavirusi ka ardhur në Shqipëri që në muajt janar-shkurt.

Pyetje: A janë sipas jush ato shifra që jepen nga Ministria e Shëndetësisë përditë, shifra të rregullta të qytetarëve që janë të sëmurë? Sepse në qoftëse do të kishim një gjendje kaq të rëndë, do të shihnim komshinjtë tanë që do ishin rëndë…

Kryemadhi: Unë doja t’iu bëja në pyetje që ja kam bërë të gjithë gazetarëve. Pse nuk pyesni sa shqiptarë kanë vdekur gjatë muajve janar-shkurt? A ka ndonjë statistikë? Mjafton t’i drejtoheni gjendjes civile, mjafton t’i drejtoheni funeraleve, mjafton t’iu drejtoheni kishave dhe xhamive dhe të shikoni se sa njerëz kanë varrosur në ato kohë. Pse nuk drejtoheni drejt sanatoriumit dhe t’i pyesni ka pasur raste të regjistruara që në periudhën shkurt dhe cilat qenë masat për t’u marrë? Unë nuk e shikoj covidin sikur të jetë SIDA, malaria apo kolera. Për mua çështja covidit është një konspiracion, i cili ka të bëjë me gjëra të tjera por, nuk jam unë askush që mundet të ndryshojë këtë situatë. Por ajo që mund të them është që ti si shtet të paktën fillo. Mjafton të shikoni dje, ka qenë një lajm shumë qesharak në të gjitha televizionet se një institucion financiar kishte bërë dhuratë tre makineri. A e keni parë si lajm? A mund të pyesni një mjek, një infermier, kë të doni? Në çfarë vendi të botës makina e respirimit nxirret në oborr dhe pozojnë donatorët me marrësit? Se mund të nxjerrësh kutinë të paketuar, por në vend që atë makineri ta marrësh e ta çosh direkt te i sëmuri dhe duhet sterilizuar dhe të jetë e gatshme, ajo nxirret në oborr mbi asfalt. A e kuptoni ju çfarë qeverie e çfarë shteti jemi ne? Shtet idiot. Në vend që të merret Prokuroria me këtë punë, ajo rri në karantinë. Çfarë është kjo? Bëhen 15 minuta lajm për të nxjerrë në oborr të Ministrisë së Shëndetësisë 3 makineri, të cilat duhet të ishin te të sëmurët. Kjo është propaganda. Ne me këtë duhet të merremi dhe duhet t’i themi stop.

Pyetje: Por si mund t’i themi stop kësaj propagande?

Kryemadhi: Ju të parët mos i jepni më ato. Ose po ta jepni talluni me ato fytyra aty. Talluni me ato fytyra që kërkojnë të tallen me shqiptarët

Share