Blitz

 Breaking News

Ka shpresë për Hektor Zejnunin, do të kurohet falas në Turqi pas marrëveshjes së shtetit shqiptar me atë turk

Ka shpresë për Hektor Zejnunin, do të kurohet falas në Turqi pas marrëveshjes së shtetit shqiptar me atë turk
August 03
10:39 2017

Pas dhimbjes për humbjen e kryefamiljarit të tyre si pasojë e shpërthimit të cisternës së gazit në kompleksin “Fishta”, duket se për familjen Zejnuni ka fije shprese të paktën për djalin e tyre.

33-vjeçari Hektor Zejnuni do të kurohet në Turqi, pas një marrëveshjeje mes shtetit shqiptar dhe atij turk.

Në këtë mënyrë familjarët e tij nuk do të paguajnë asgjë, pasi shpenzimet janë të përfshira në marrëveshjen mes dy shteteve, bën me dije “News 24”.

Shpërthimi i cisternës la të plagosur 20 persona. Hektor Zejnuni është djegur në mbi 50% të trupit dhe pavarësisht trajtimit të mjekëve shqiptarë të Spitalit të Traumës, gjendja e tij e rënduar kërkon një trajtim më të specializuar për shkak të djegieve në fytyrë dhe gjoks.

Kujtojmë që babai i Hektorit, Besnik Zejnuni, 55 vjeç, humbi jetën për shkak të djegieve të rënda në mbi 70% të trupit. /Blitz.al/

Share