Blitz | Kliko dhe Informohu

 Lajmi Fundit

Tenis – Argjentina bën histori

Tenis – Argjentina bën histori
November 28
14:44 2016

Argjentina ka bërë histori në tenis, pasi ka fituar për herë të parë në histori kupën Davis Cup në finale përballë Kroacisë, madje duke kthyer rezultatin nga 1-2 në 3-2 në rezultatin e përgjithshëm në ndeshjet tek dhe çift.

Vendimtare për këtë fitore kanë qenë ndeshjet tek të dy tenistëve Juan Martin Del Potro dhe Leonardo Mayer, që mundën respektivisht Marin Cilic dhe Ivan Dodig.

Përballja mes Del Potro e Cilic ishte më tepër epike, pasi zgjati gati 4 orë e 53 minuta në total, me plot 5 sete.

Del Potro triumfoi 3-2 pasi kishte humbur 2 setet e para me shifrat 6-7, 2-6, por më pas është rikthyer në 3 setet e tjerë duke fituar 7-5, 6-4, 6-3.

Argjentina kishte qenë edhe më parë disa herë finaliste e këtij turneu, por pa arritur ta fitojë atë.

Ndeshjet u ndoqën edhe nga ylli argjentinas i futbollit, Diego Armando Maradona.

Davis Cup është njësoj si kampionati botëror në futboll për tenisin. Ka nisur që prej vitit 1900 dhe në të marrin pjesë të gjitha shtetet me tenis të zhvilluar në botë. SHBA-të kanë fituar më tepër trofe përgjatë historisë, plot 32, ndërkohë që për Argjentinën kjo ishte fitorja e parë. /Blitz.al/

Shperndaje