Blitz | Kliko dhe Informohu

 Lajmi Fundit

Pse Ronaldo luajti në një stadium bosh?

Pse Ronaldo luajti në një stadium bosh?
November 03
13:16 2016

Jemi mësuar ta shohim si një nga yjet më të mëdhenj të futbollit që luan në stadiume gjigante, me minimumi 50-60 mijë tifozë. Ose 80 mijë në “Santiago Bernabeu”.

Por mbrëmja e djeshme ka qenë disi e ndryshme për yllin portugez të Real Madrid, që luajti në një stadium thuajse krejt bosh në Poloni përballë Legias së Varshavës. Kjo për shkak se tifozët vendas ishin dënuar që prej ndeshjes përballë Dortmundit për sjelljen e tyre jo korrekte në stadium, duke hedhur mjete të forta, piroteknike, flakadanë apo gurë në fushë.

Për Cristiano-n, mbrëmja e djeshme ishte e errët në aspektin personal, si edhe për ekipin që nuk shkoi më tepër se barazimi 3-3 në një ndeshje dramatike, që kaloi në episode nga fitore e sigurt, barazim me fat në fund e thuajse fitore në ekstrem.

Kjo vërteton edhe njëherë se Ronaldo luan shumë herë më mirë në stadiume të mbushur me sportdashës, për më tepër në ato stadiume ku fërshëllehet nga fansat kundërshtarë.

Në këto lloj ndeshjesh, ai sigurohet të bëjë çmos të shënojë e fitojë si një kundërpërgjigje inati.

Por jo mbrëmë. /Blitz.al/

Komento
Shperndaje