Blitz | Kliko dhe Informohu

 Lajmi Fundit

Ofertë “shokuese” për Jose Mourinhon! A do ta pranojë ai?

Ofertë “shokuese” për Jose Mourinhon! A do ta pranojë ai?
April 08
14:54 2016

Askujt nuk do t’i kishte shkuar mendja se do të vinte një propozim i tillë për trajnerin portugez, Jose Mourinho.

Deri sot jemi mësuar të dëgjojmë oferta nga më të habitshmet për sa u përket parave të ofruara për portugezin – një prej trajnerëve më të kërkuar të ditëve të sotme, ama Federata Siriane e Futbollit i ka surprizuar të gjithë!

Ajo i ka paraqitur menaxherit të Mourinhos kërkesën që ai të marrë drejtimin e Kombëtares Siriane për në Botërorin e vitit 2018 në Rusi!
Skuadra e Sirisë për momentin ndodhet në vend të dytë të klasifikimit në Grupin I të kualifikueseve aziatike, pas Japonisë. Duke qenë në një situatë të tillë, drejtuesit e federatës kanë menduar se është momenti i duhur për të marrë një trajner të madh në stol, në mënyrë që të arrihet suksesi i shumëpritur i paraqitjes dinjitoze të Sirisë në kompeticionin më të madh botëror të futbollit. Kjo do t’i jepte një “shuplakë” të fortë edhe imazhit që shteti sirian po jep sot anembanë!

A do ta pranojë Jose Mourinho ofertën? E vështirë për t’u besuar… ama jemi surprizuar shpesh nga “The Special One” dhe një “po” si përgjigje për këtë rast nuk do të na habiste shumë.

Kontrata Mourinho

Komento
Etiketimet
Shperndaje