Blitz | Kliko dhe Informohu

 Lajmi Fundit

Brazili shkërmoq 3-0 Argjentinën

Brazili shkërmoq 3-0 Argjentinën
November 11
09:35 2016

Në klasiken latine të luajtur mbrëmjen e djeshme në orën 00:45 me orën lokale shqiptare, Brazili ka shkatërruar 3-0 rivalin e përjetshëm, Argjentinën, në kuadër të kualifikueseve për botërorin “Rusi 2018”.

Në një ndeshje që pritej të kishte më tepër rivalitet, djemtë e Selecaos braziliane të udhëhequr nga ylli i Barcelonës, Neymar, nuk i kanë lënë asnjë shans Messit me shokë, duke mbyllur hesapet që në pjesë të parë me 2 gola e më pas me 1 gol të shënuar në pjesën e dytë të takimit.

Golat u shënuan së pari nga Coutinho, Neymar dyfishoi shifrat dhe në pjesën e dytë vulosi rezultatin Paulinho.

Argjentinasit, edhe pse u përpoqën, nuk patën shumë mundësi për të shënuar të paktën një gol përgjatë gjithë takimit.

Tashmë Brazili udhëheq grupin me 24 pikë, ndërkohë që Argjentina komplikon pozitat e saj sepse ka vetëm 16 pikë e për momentin është jashtë listës së skuadrave që futen në botëror. /Blitz.al/

Shperndaje