Blitz | Kliko dhe Informohu

 Lajmi Fundit

Suksesi i Era Istrefit nuk ka të ndalur, bëhet pjesë e listës së njerëzve që do të “pushtojnë” botën

Suksesi i Era Istrefit nuk ka të ndalur, bëhet pjesë e listës së njerëzve që do të “pushtojnë” botën
December 05
18:53 2018

Ka qenë një vit shumë i sukseshëm për këngëtaren Era Istrefi, e cila përveç suksesit të këngëve të saj dhe performancës në finalen e Kupës së Botës, tashmë është bërë pjesë e listës së njerëzve të cilët priten të “pushtojnë” botën në 2019.

Gazeta e rëndësishme “Politico.ue”, variant europian i medias amerikane me të njejtin emër, e cila raporton mbi ndodhitë më të rëndësishme të politikës në kontinent, e ka vënë këngëtaren në listën e personazheve më me ndikim e më të mundshem per sukses.  Gjithashtu ajo është emëruar dhe “ambasadore e muzikës pop”.

Këtë zgjedhje ata e kanë shpjeguar kështu: “Era Istrefi është duke e vendosur Kosovën në hartën e botës, edhe pse disa nuk e duan aty. 24 vjeçarja nga Prishtina është duke shijuar suksesin dhe njohjen në arenën ndërkombëtare. Pas hitit të saj në Shqipëri dhe që u dëgjua në mbarë botën, Era u ftua për të performuar në këngën zyrtare të Kupës së Botës nga FIFA, “Live It Up”, në krah të Nicky Jam dhe Ëill Smith. 10 vite nga shpallja e Pavarësisë së Kosovës, ajo bën pjesë në brezin e ri të artistëve dhe sportistëve që po promovojnë vendin e tyre dhe Ballkanin, duke dhënë një imazh krejt tjetër për vendet që dominohen nga varfëria, krimi dhe politikanët e korruptuar.”

Gjithashtu ata shtojnë se edhe pse Era nuk këndon për çeshtje politike, beteja për të ardhmen e Kosovës ishte një kërcënim për debutimin e Erës në Kupën e Botës, prandaj performanca e saj para miliona njerëzve dhe gejsti i shqiponjës me dy krena, ishte si një lutje për pranimin e Kosovës për shtet të pavarur.

Era ndodhet në kategorinë e “Dremers”, pra ëndërrimtarët, ndërkohë që ka dhe dy kategori të tjera si  “Distruptor”(penguesit e një sistemi) dhe “Doer” (njerëzit e punës).

/Blitz.al/

Komento
Shperndaje