Blitz | Kliko dhe Informohu

 Lajmi Fundit

Shawn Mendes “mposht” Drake

Shawn Mendes “mposht” Drake
October 03
15:13 2016

Tashmë “lufta” e vërtetë mes artistëve bëhet për shitjet dhe pozicionimet në klasifikime si Billboard 200 (albume) dhe Billboard Hot 100 (këngë).

Në krye të Billboard 200 “mbretëronte” Drake me albumin “Views” që prej prillit të këtij viti.

Një nga prurjet më të mira e të reja në muzikë, Shawn Mendes, ka arritur ta zbresë reperin në vendin e dytë e të ngjitet vetë në vend të parë, me albumin “Illuminate”, me 145,000 albume të shitura nga data 23 deri në 29 shtator.

Kjo është hera e dytë që Mendes arrin diçka të tillë, pas albumit të parë, “Handwritten”.

Vetëm 5 artistë kanë qëlluar në shenjë në Billboard 200: Justin Bieber, Miley Cyrus, Hilary Duff, LeAnn Rimes dhe tashmë, Shawn Mendes. Ndërkohë, Shawn është artisti i parë me dy albumet e para në krye të kësaj liste. Përpos të gjithave, ai është vetëm 18 vjeç. /Blitz.al/

Shperndaje