Blitz | Kliko dhe Informohu

 Lajmi Fundit

Linda, transgjinorja shqiptare nga Milano: “Linda mashkull, por kam qenë gjithmonë femër”

Linda, transgjinorja shqiptare nga Milano: “Linda mashkull, por kam qenë gjithmonë femër”
October 21
22:41 2016

 

Një nga të ftuarit e puntatës së sotme në “Top Show Magazine” ishte edhe transgjinorja shqiptare Linda, e cila ka treguar shumë detaje nga jeta e saj.

Ajo është shprehur në emision se në moshën 18-vjeçare ka bërë gjoksin, gjë që ka çuar në prishjen e marrëdhënies me babain, i cili më pas e braktisi. Nëna, nga ana tjetër, jo vetëm që nuk e braktisi por e përkrahu në maksimum.

Bashkë me babain, Linda ka humbur edhe përkrahjen e gjyshërve, të cilët janë personat që e kanë rritur. “Ata më thërrasin akoma bir”, – ka thënë Linda për sa u përket gjyshërve, duke treguar edhe se e merr malli për ta.

Ajo aktualisht punon si make up artist dhe modele në Milano. Edhe pse është vetëm 29 vjeçe, Linda tha se ndihet si 70 vjeçe nga vuajtjet që ka kaluar që kur ishte e vogël.

Që në moshën 9-vjeçare, ajo ka treguar se është ndier si femër në trupin e një mashkulli, e pasi kishte ikur në Itali, në moshën 12-vjeçare ka kryer operacione ku ka rregulluar  gjoksin, buzët, mollëzat dhe organin gjenital.

“Unë isha e destinuar të isha femër. Vuaj shumë për jetën time. Madje nuk kam as shoqe, ndërkohë ka shumë transeksualë të cilët punojnë si prostituta sepse nuk gjejnë dot punë për shkak se paragjykohen”, – ka thënë Linda.

Për ta mbyllur, modelja transgjinore ka dhënë edhe një mesazh: “Unë jam si të gjithë të tjerat!”. Më pas ka shtuar se nëse do të zgjidhte, do të ishte mashkull, do të martohej, do të kishte familje, por sipas saj nuk kishte zgjedhje. “Unë ndihesha e tillë që fëmijë! Isha e destinuar të isha femër”, – ka deklaruar Linda. /Blitz.al/

Komento
Shperndaje