Blitz | Kliko dhe Informohu

 Lajmi Fundit

Leonora Jakupi flet për dashurinë e re dhe këngën e vjedhur nga Nora Istrefi

Leonora Jakupi flet për dashurinë e re dhe këngën e vjedhur nga Nora Istrefi
October 28
22:31 2016

Mbrëmja e sotme ka sjellë në kolltukun e të ftuarit një emër të njohur e të vjetër në skenën muzikore shqiptare, Leonora Jakupi.

Fillimisht, Leonora është pyetur nëse ndihet e kërcënuar nga brezi i ri i këngëtarëve: “JO, nuk ndihem fare e kërcënuar nga ky brez i ri sepse kohët ndryshojnë. Madje ka artistë që më pëlqejnë. Ja, Ledri më pëlqen shumë”

Leonora ka folur për herë të parë edhe për lidhjen e saj të re. “Unë po ndihem shumë mirë në këtë lidhje”, – ka thënë artistja. Ndërsa për sa i përket zërave për martesë, Leonora ka treguar  se nuk ka në plan asnjë martesë.

Pyetjes se si i dashuri i kishte fituar zemrën, Jakupi është shprehur: “Mua më terheq mënyra se si afrohet dhe më flet. Qasja ka rëndësi për mua dhe mënyra se si sillet për të më bërë të ndihem mirë”

Nuk është lënë pa u përmendur edhe kënga e vjedhur nga Nora Istrefi, gjë për të cilën ka thënë: “Unë fal shumë! Nuk mbaj inate edhe pse atë mund ta kem thellë në zemër, por jo, nuk mbaj inate!”.

Pyetur nëse ka ndërmend të hyjë në politikë Leonora ka mohuar kategorikisht të gjitha mundësitë për t’u integruar në politikën kosovare. /Blitz.al/

 

 

Komento
Shperndaje