Blitz | Kliko dhe Informohu

 Lajmi Fundit

Kush ishin “VIP”-at shqiptarë që i dhanë fund beqarisë këtë verë…

Kush ishin “VIP”-at shqiptarë që i dhanë fund beqarisë këtë verë…
September 22
20:57 2018

Vera që lamë pas ishte e mbushur me dasma VIP, e në fakt disa prej tyre priteshin e disa jo. Sigurisht që vëmendja mediatike ishte e madhe e sidomos kur tek çifti që po martohet të famshëm janë edhe nusja edhe dhëndrri.

Le t’i hedhim një sy dasmave të cilat na shoqëruan gjatë kësaj vere:

1.E para që e hapi siparin e dasmave ishte moderatorja simpatike Jona Spahiu e cila e përshpejtoi dasmën e saj sepse ishte në pritje të ëmbël. Ajo dhe Frenklin Ymeri i dhanë fund beqarisë me 10 qershor në një ceremoni private në Tiranë. Nga videot dhe fotot e publikuara nga Jona ata e kanë shijuar në maksimum ditën e tyre më të veçnatë. Disa ditë më parë çifti janë bërë edhe prindër të një djali.

2.Ka qenë edhe këngëtarja dhe modelja Afërdita Dreshaj e cila është martuar me lojtarin e hockey Jakub Kindl në një ceremoni të madhe në Miami me 29 qershor . Fillimisht, çifti i kanë thënë po njëri-tjetrit buzë detit, sepse sigurisht, nuk mund të bëhet dasmë pa kaluar në bregdet. Pas ceremonisë në bregdet, çifti dhe dasmorët kanë kaluar në një ambjent tjetër, ku kanë kërcyer e janë argëtuar për orë të tëra. Pjesë e ceremonisë ishin edhe mjaft emra të njohur si Xhesika Berberi, Vildane Zeneli, Eraldo Rexho etj.

3.Një ndër dasmat më luksoze të vitit sigurisht është edhe ajo mes moderatorit të njohur Ledion Liço dhe trashigimtares së Top Channel, Sara Hoxha.  Ceremonia u zhvillua në një nga vendet më të bukura të Italisë në Como dhe çdo detaj ishte gati në perfeksion. Dasma u mbajt me 11 gusht dhe nga fotot e videot e publikuara ditët e fundit pamë se çdo gjë ka shkuar shumë mirë. Të pranishëm kanë qenë shumë personazhe publik dhe për dekorin, nusen e shumë gjëra të tjera janë kujdesur kompani të huaja. Ata bën që çdo gjë të dukej si një përrallë.

 

4. Këngëtari shqiptar Enis Bytyqi ishte prej kohësh në një lidhje me Rinën vajzën simpatike e cila është e panjohur për publikun. Me datë 1 shtator ato kanë lidhur kurorë. Në dasmë përveç familjarëve kanë marrë pjesë edhe personazhe të njohur të cilët na treguan më shumë momente nga dasma.

5. Të shtunën e 8 shtatorit ishte këngëtarja Rona Nishliu e cila në një mënyrë krejt të befasishme organizoi cerëmoninë e dasmës. Ajo zgjodhi që çdo gjë të ishte private ndryshe nga çfarë kemi parë deri tani nga këngëtarët apo artistët e njohur. Lajmin e gëzueshëm e ka bërë publik miku i saj Arbër Bytyqi i cili dhe ishte kujdesur për pamjen e Ronës në këtë ditë të vecantë për të.

6. Me datë 10 shtator një tjetër këngëtarë shqiptar i ka dhënë fund beqarisë. Bëhet fjalë për vokalistin e grupit Offchestra Sezgin Currin.Sezgini ka lidhur kurorë me partneren e tij Teutën dhe ceremoninë  e kanë organizuar në Prishtinë. Mes miqsh e familjarësh kanë qenë të ftuar edhe personazhe të njohur, të cilët kanë ndarë momente të ndryshme nga dasma në Instagram. Sigurisht që nuk mund të mungonte as surpriza e Sezginit dhe grupit të tij Offchestra, të cilët kanë ndezur atmosferën me këngët e tyre.

7. E fundit por jo nga rëndësia ishte dasma që u organizua mbrëmë mes reperit të njohur Gjiko dhe moderatores bukuroshe Elita Rudi e cila është në pritje të ëmbël. Për shkak se të dy janë personazhe me shumë fansa dhe ndikim në shoëbizzin shqiptar kjo mund të konsiderohet si dasma më e përfolur e këtij viti. Gjithçka ishte e përgatitur me detaje nga dekori e deri tek festa e madhe. Shumë personazhe të njohur ishin pjesëmarrës në dasmën e mbrëmshme si Ledri, Ermal Fejzullahu, Nora Istrefi, Kida, Butrint Imeri, LyricalSon, Labi etj, Gjiko dhe Elita kishin një lirshmëri që në momentin e parë që u bënë bashkë në altar dhe gjatë gjithë mbrëmjes gjë që  ishte për t’u vlerësuar. Postime të shumta nga miqtë e çiftit në Instagram na lejuan edhe ne të shihnim festimet që zgjatën deri në orët e para të mëngjesit. Pa asnjë dyshim kjo ishte dasma e këtij viti.

Ndoshta deri në fund të 2018-tës ndonjë shtatzëni e papritur mund të na sjellë një tjetër dasëm por për momentin këto janë VIP-at shqiptarë që i dhanë fund beqarisë këtë verë.

Komento

Shperndaje