Blitz | Kliko dhe Informohu

 Lajmi Fundit

(Intervistë) Ledri Vula: Unë beqar? “A jena mirë…”

October 28
13:36 2016

led

Nga Suada Daci

Është një nga reperët që tërheq më shumë vëmendje dhe kjo jo vetëm sa i takon jetës së tij private, por edhe projekteve muzikore që prezanton, që shndërrohen të gjitha në hite. Bëhet fjalë për Ledri Vulën, i cili ka publikuar hitin e tij të fundit “A jena mirë”, i cili ka ngjallur shumë polemika edhe për sa i përket jetës së tij private. Në këtë intervistë për Blitz.al ne jemi munduar t’i “vjedhim” Ledrit diçka nga jeta e tij personale, të cilën ai e ka hermetike dhe tejet private…

Ledri, më në fund me një projekt solo se kjo verë ka qenë e ngjeshur për ty me bashkëpunime. Janë më të mira bashkëpunimet, apo projektet solo?

– Mendoj se ishte koha e duhur që të paraqitesha me një “single” në projektin e ri. Sa për pyetjen se cilat janë më të mira, paraqitjet solo apo bashkëpunimet, mendoj se të dyja kanë anët e tyre pozitive.

Më lejo të të komplimentoj për klipin. Ku është xhiruar ai?

– Klipi është xhiruar në Brezovicë dhe mendoj se e kam arritur atë që kam kërkuar.

“A jena mirë” është një përjetim personal i Ledri Vulës, apo ka rastisur i tillë subjekti i këngës?

-Si artistë mundohemi të lidhim diçka nga vetja, por në këtë rast më shumë ka rastisur subjekti i këngës.

Mos ndoshta Ledri Vula po i rikthehet stilit të “Një gotë për ty”, duke qenë se tani jemi edhe në periudhë vjeshte dhe këngë të tilla janë shumë të pëlqyera?

-“Një gotë për ty” ka qenë një nga projektet e mia më të suksesshme. Por mendoj se ky projekt i ri është diçka më ndryshe. Pres të marrë pëlqimin e njëjtë nga publiku, mbase edhe më shumë.

ledrii

Kolegët ta kanë bërë “share” këngën në rrjetet sociale. Si të bën të ndihesh ky fakt?

-Më bën të ndihem i lumtur, sepse kam arritur që mos të kem kundërshtarë në estradë, por vetëm kolegë.

Ledri, je përfolur se i ke dhënë fund lidhjes tënde. Ke një koment për këtë lajm që ka pushtuar portalet?

-“A jena mirë”? Mendoj që jena mirë (qesh).

Kanë qarkulluar gjithashtu thashetheme edhe për një bashkëpunim me Nora Istrefin. Do ta kemi një këngë mes jush, apo do të mbetet një projekt në “sirtar”?

-Është projekt i përfolur, por ende nuk ka asgjë konkrete.

 

Shperndaje