Blitz | Kliko dhe Informohu

 Breaking News

Humbën prindërit në aksident, Olta Xhaçka vendos të kujdeset për 4 motrat nga Peshkopia!

Humbën prindërit në aksident, Olta Xhaçka vendos të kujdeset për 4 motrat nga Peshkopia!
March 18
11:32 2019

Pak ditë më parë, dy prindër të rinj humbën jetën në një aksident rrugor duke lënë pas 4 vajza jetime. “Fundjavë ndryshe” ka vizituar familjen e gjyshërve të vajzave në Peshkopi, të cilët mes lotësh tregojnë se nuk kanë mundësi ekonomike të kujdesen për vajzat minorene.

 

 

View this post on Instagram

 

Dhimbje e madhe! Urgjente! Ditën e dielë ka ndodhur një aksident në Peshkopi ku humbi jetën një çift, Gentian dhe Klodiana Karazajmi, 34 – 28 vjeç. Për të mos mjaftuar kjo dhimbje e madhe, prindërit kanë lënë 4 fëmijë jetimë, katër vajza të vogla të moshës 14, 11, 8 dhe 2 vjeç. Familja jeton në varfëri ekstreme, në Peshkopi. Nisur nga ky rast, i shprehim ngushëllimet familjes dhe nisim fushatën për një shtëpi për familjen. Këto ditë të vështira jemi pranë tyre. Gjyshi i fëmijëve dhe vajza e madhe bëjnë apel, pasi familja nuk ka asnjë të ardhur dhe gjenden në situatë tepër të vështirë. Të bëhemi bashkë të gjithë për tja lehtësuar sadopak dhimbjen! Ju lutem shpërndajeni! Një share/shpërdarje e këtij postimi ndihmon më shumë se mund ta mendoni. GoFundMe: https://www.gofundme.com/fundjavendrysheal. PayPal & Credit Cards: https://ffn.al/en/donate-2/ Numrat e llogarisë : Fondacioni Fundjavë Ndryshe Raiffeisen Bank SWIFT CODE – SGSBALTX 0011184027 – ALL – AL76202110130000000011184027 0021184027 -EUR – AL61202110130000000021184027 0031184027 -USD – AL46202110130000000031184027 “Bamirësia nuk të varfëron” #fundjavendryshe

A post shared by FUNDJAVË NDRYSHE ® (@fundjavendryshe) on

Menjëherë pasi ky rast u bë viral, shumë njerëz u solidarizuan, por gjesti i Ministres së Mbrojtjes, Olta Xhaçka ishte për t’u duartrokitur.

Ajo ka vendosur që të katërta vajzat t’i marrë në një shtëpi në Tiranë dhe do të kujdeset vet për to. Xhaçka ka bërë një vizitë në shtëpinë e gjyshërve të tyre dhe ka publikuar fotot në Facebook, ku përbri shkruan:

“Asgjë dhe askush nuk mund t’ua zëvendësojë prindërit 4 vajzave të mitura nga Dovolani i Peshkopisë, të mbetura jetime pas aksidentit tragjik të dielën e kaluar. Por, dashuria dhe vëmendja e të gjithëve bashkë do të t’ua lehtësojnë dhimbjen e do t’ua largojnë vështirësitë e mëdha, me të cilat 4 vajzat dhe gjyshërit e tyre jetojnë. Si nënë e si grua, personalisht do të kujdesem që 4 motrave, të cilat shumë shpejt do të kenë shtëpinë e tyre në Tiranë, të mos u mungojë kujdesi i vazhdueshëm në çdo drejtim”.

Ministrja ka pohuar se do të kujdeset për to në çdo drejtim, duke u foksuar edhe tek problemet shëndetësore që kanë dy prej motrave. /Blitz.al/

Share