Blitz | Kliko dhe Informohu

 Lajmi Fundit

Era Istrefin e do edhe “Vogue”!

Era Istrefin e do edhe “Vogue”!
August 17
00:58 2016

 

Në vazhdën e mediave dhe revistave prestigjioze që shkruajnë për Era Istrefin, këtë herë është “Vogue” ajo që ka intervistuar këngëtaren kosovare dhe i ka kushtuar një artikull të plotë suksesit dhe muzikës së saj.

“Vogue” e prezanton Istrefin si një këngëtare nga Europa Lindore, e cila u bë e famshme nga “Bonbon” e që më pas arriti të nënshkruante një kontratë me Sony Music Entertainment dhe Ultra Music.

Në këtë intervistë Era flet për historinë se si nisi karriera në muzikë duke thënë: “Për 10 vite thjesht mësoja në shkollë dhe këndoja për veten time. Por më vonë, u habita nga talenti që kisha dhe kur mbusha 19 vjeç bëra këngën time të parë që titullohet “Mani për Money”. Më pas vazhdova të punoj fort për 3 vite dhe arrita këtu”.

Ajo më pas tregon për revistën e famshme se “Bonbon” ishte një sukses që nuk e priste, madje kur pa se ndjekësit i ishin shtuar si me magji, kishte menduar se e kishin “hack”-uar. “Nuk e mendoja kurrë”, – thotë Era. “Me të vërtetë nuk bëj muzikë vetëm për shqiptarët, por nuk e prisja. Madje një natë u tremba sepse kisha mijëra ndjekës e thashë me vete se më vodhën Instagram-in. Tashmë edhe njerëz të moshuar më ndalojnë dhe më komplimentojnë. Dhe publikimi i “Bonbon” në anglisht është një lloj mundësie që edhe të huajt të kuptojnë çfarë doja të thosha në këngë”.

Era ka folur gjithashtu edhe për stilin e saj, duke deklaruar se vesh çdo gjë që i pëlqen dhe nuk e vret mendjen nëse duhet apo jo, si dhe nuk ka lënë pa përmendur krahasimin me Rihannën. “Jam shumë krenare për këtë sepse kam qenë fanse e saj dhe do të jem gjithmonë”, – tregon ajo.

Nëse keni pyetur veten se cila është pika e fortë e Erës tashmë e keni një përgjigje: këmbëngulja.

“Sa herë që unë këmbëngul, kam sukses. Pavarësisht sa i madh apo sa i vogël është qëllimi që dua të arrij”, – shprehet këngëtarja 22-vjeçare.

Përsa u përket projekteve të reja muzikore, Istrefi tregon se po shkruan shumë këngë të reja në Los Angeles dhe për t’i bërë gati do t’i duhet të marrë pak kohë.

 

 

 

 

Komento
Shperndaje