Blitz

 Breaking News

Egla Harxhi tregon si është e vërteta e ndarjes me Alexandre

Egla Harxhi tregon si është e vërteta e ndarjes me Alexandre
February 14
11:34 2020

Marrëdhënia treshe e Egla Harxhit është komentuar gjatë në media jo vetëm në fillim por edhe pasi raporti i saj morri fund.  Në fillim, nga lidhja e trefishtë u largua Alesia dhe pak kohë më vonë, Egla pranoi publikisht edhe ndarjen me partnerin Ale de Basseville.

Në prill të vitit 2016, Egla takoi partnerin e saj të jetës, fotografin Alexandre de Basseville. Pjesë e marrëdhënies së tyre ishte dhe modelja shqiptare Alesia. Asokohe Egla deklaroi se ata kishin një marrëdhënie treshe. Në këtë kohë, Egla deklaroi dhe shtatzëninë e saj, duke thënë se fëmijën do ta rriste në një marrëdhënie të tillë.

Por, gjithçka ndryshoi tërësisht me ardhjen në jetë të djalit të saj, Luxifer. Në tetor të 2019-ës, Egla Harxhi deklaroi se marrëdhënia e saj me fotografin Jarl Alexandre de Basseville përfundoi, po ashtu edhe projektet që të dy flisnin të realizonin për Shqipërinë.

Pasditen e djeshme, Egla ishte e ftuar në programin “Rudina”, në Tv Klan, për të ndarë me publikun më shumë detaje për jetën e saj të re, profesionin e saj, arkitekturën, por edhe për ndarjen nga partneri.

Në studio, ajo rrëfen se nuk është më me partnerin e saj Alexandre, por ruajnë një respekt reciprok.

“E vërteta është që nuk jemi më bashkë, por sigurisht ka një respekt reciprok. Jemi të rritur, të civilizuar, të edukuar dhe, mbi të gjitha, fakti që kemi një fëmijë, fëmija është mbi të gjitha. Në mënyrë absolute, unë nuk do isha kurrsesi një person që, sepse balancat për hir të fëmijës duhen ruajtur. Ndodh siç ndodhin gjërat në përgjithësi, ndodh që rrugët ndahen, por nuk ka ndonjë gjë shtesë për të thënë se kaq është”.

Harxhi u shpreh se do t’i përkushtohet rritjes së djalit e vetme, pa partnerin e saj, si dhe profesionit të saj, arkitekturës.

Gjërat ndryshojnë, prioritetet janë ato që ndryshojnë dhe i japin formën e vetë gjërave. Sot unë jam në këtë pozicion që dua të çoj përpara pasionin tim dhe përkushtimin ndaj djalit”, – tha Egla.

Share