Blitz | Kliko dhe Informohu

 Lajmi Fundit

Capital T në versionin John Snow. Sezoni i ri i “Game of Thrones” nuk vjen vitin tjetër, por… këtë tetor

Capital T në versionin John Snow. Sezoni i ri i “Game of Thrones” nuk vjen vitin tjetër, por… këtë tetor
August 31
12:19 2017

“Game of Thrones” është një nga serialet që ka çmendur gjithë botën dhe shqiptarët gjithashtu. Seriali amerikan, ndër më të ndjekurit, aktualisht sapo ka përmbyllur sezonin e tij të shtatë të suksesshëm dhe ndjekësit besnikë kanë shprehur në rrjete sociale padurim për të mësuar se çfarë do të ndodhë në sezonin e ardhshëm. Regjisori ka lajmëruar se episodet e sezonit të tetë do të rikthehen në 2018-2019-n.

Historia është bazuar  mbi novelën e George R.R. Martin me titull “A song of Ice And Fire”.

 

Megjithatë, duket se fansave shqiptarë nuk do t’u duhet të presin kaq shumë për të parë pak nga seriali i dëshiruar. Në muajin tetor do të vijë versioni shqiptar i Jon Snow, personazhi i njohur i “Game of Thrones”, i luajtur nga aktori anglez Kit Harington.

 

 

Këtë herë versionin shqiptar të tij do ta sjellë Capital T. Shumë shpejt reperi i njohur do të publikojë projektin më të ri muzikor, në të cilin do të shfaqet në karakterin e Jon Snow. Vetë Capital T e ka paralajmëruar këtë gjë në Instagram-in e tij.

 

 

“Kushdo që ju ka thënë se do t’ju duhet të prisni më shumë se një vit për të parë “Game of Thrones” ka gënjyer. Sezoni i ri fillon në tetor 2017”,- shkruan reperi.

Në fotot e publikuara vihet re një ngjashmëri e madhe e reperit shqiptar me personazhin e njohur, aq sa për një moment edhe mund t’i ngatërrosh. Pa diskutim ky do të jetë një nga projektet më të veçanta dhe interesante të Capital T. /Blitz.al/

Komento
Shperndaje