Blitz | Kliko dhe Informohu

 Breaking News

Mes politikës dhe seksualitetit, ja cfarë propozoi Londra gjatë javës së modës!

Mes politikës dhe seksualitetit, ja cfarë propozoi Londra gjatë javës së modës!
September 22
09:30 2018

Nga Servio Avdyli

VICTORIA BECKHAM

Edhe këtë herë Victoria na kujtoi sa shumë i do fustanet asimetrike, gjysmë-golfet, pantallonat tub dhe T-shirt-et që së bashku me xhaketat oversize, bëjnë look-un perfekt ‘cocktail pas pune.

FASHION EAST

Katër artistë të rinj sollën koleksionet e tyre për Fashion East me motivin për të sfiduar të gjitha paragjykimet seksuale dhe politikën e dobët që bën shoqëria e internetit për bukurinë standarde.

CHRISTOPHER KANE

Pas gjithë aludimeve per përdorimin e c-string në linjën e tij këtë sezon, përsëri Kane ka sjellë në vëmëndje seksualitetin si pjesë e natyrës njerëzore. Materialet e tylit (si gjithmonë në ngjyrë të kuqe dhe të zezë) shkrihen fare mirë me printet domethënëse dhe gurët e çmuar.

MATTY BOVAN

Veçantia e këtij koleksioni ishin padyshim ngjyrat elektrizuese, përzierja e teksturave, mesazhet e printuara dhe aksesorët e komplikuar të kokës.

PORTS 1961

Materiale të linjta, këmisha oversize, thekë, lidhëse dhe mbi të gjitha një larmi xhaketash pranverore u propozuan nga Ports gjatë javës së modës në Londër.

REJINA PYO

Ajo që Rejina Pyo di të bëjë më së miri është të sjellë versionin tropikal të stilit tipik londinez; kaotik në dukje, sublim në përmbajtje.

SIMONE ROCHA

Në këtë koleksion të Simone Rocha, portretet viktoriane u zmadhuan në të gjithë veshjet e mbuluara me dantella, u luajt me teksturat florale dhe u risollën mjeshtërisht mëngët e fryrë dhe jakët e ekzagjeruara.

MARY KATRANTZOU

Mary Katrantzou e festoi përvjetorin e 10-të midis një shisheje parfumi, një kutie bizhuterish dhe një shandani për qirinj, ku mbi të gjitha u nderua nga kritikët si mbretëresha e printeve (këtë here tre-dimensionale).

JW ANDERSON

Teknika e makramesë, xhinset e gjera, shamitë e kokës, mëngët e fryrë dhe aksesorët bohemianë ishin vetëm pak nga ato që Anderson propozoi për vitin e ardhshëm.

ERDEM

“Ndihuni të lirë duke u fshehur” ishte ideja kryesore e Erdem Moralioglu i cili përtej luleve të egra, dantellave dhe kostumeve me prerje perfekte, fuqizoi dimensionet gjinore duke përfshirë edhe modelë meshkuj në sfilatën e tij./Blitz.al/

Share