Blitz | Kliko dhe Informohu

 Lajmi Fundit

Sekreti i shijes së përsosur të mishit të qengjit

Sekreti i shijes së përsosur të mishit të qengjit
April 09
09:55 2016

Mishi i qengjit është zakonisht i preferuar për gjithë vitin, por sidomos në raste festash. Kur shohim qengja të vegjël kuptojmë që ka ardhur pranvera, jo më kot ekzistojnë edhe mite nëpër kultura të ndryshme për “qengjin e pranverës”. Qengjat kanë momentin e tyre të lindjes nga shkurti në mars, pikërisht në periudhën që edhe Pashkët janë shumë afër, por siç dhe mund ta keni vënë re, kur konsumoni qengj për Pashkë, ky i fundit nuk ka ndonjë shije mbresëlënëse, kjo sepse kafsha ka qenë shumë e vogël për t’u konsumuar.

Qengji ka shije të mrekullueshme në shtator. Në këtë periudhë, ngjyra e mishit është pak më e errët, lëkura është më e lëmuar dhe shtresa e dhjamit, që është e domosdoshme për një shije të mirë, është në kulmin e saj. Por nuk është për t’u shqetësuar, sepse mund të gjesh qengja të mirë edhe nëse janë  pak më të vjetër.

Meqenëse flasim për mishin e qengjit, një recetë shumë e mirë është rosto qengji me salcë nenexhiku. Kjo recetë është pak e guximshme ndaj dhe ka dy teori konspirative dhe paradoksale të origjinës së saj: në njërën thuhet se kombinimin e mishit të qengjit me këtë salcë e “shpikën” në oborrin elizabetian në Angli, për ta bërë qengjin të papëlqyer në shije e t’i merrnin vetëm lëkurën për ta përdorur për tregti. Ndërsa teoria tjetër thotë se origjina e kësaj recete është nga Persia, që u bë edhe influenca më e madhe e kuzhinës europiane në Mesjetë.

Megjithatë, e  sigurt është se ky kombinim funksionon. Salca e ëmbël dhe e lëngshme takohet me yndyrën natyrale të mishit të qengjit dhe i jep shumë shije.

Rëndësi në këtë recetë ka pjekja e rostos. Deri vonë, edhe restorantet më të mira kanë përdorur teknikën franceze, që i heqin njëherë pjesën e brinjës dhe pjekin vetëm mishin. Por më vonë u kuptua se kocka ka vlerat e saj. Pas filetimit të rostos dhe vendosjes së mishit të qengjit në temperaturë 55 gradë Celsius, e lë më pas të pushojë për 30 minuta. Pas kësaj, mishi është i lëngshëm dhe i butë si gjalpë.

(Shkrimi dhe receta e rinovuar nga shefi i kuzhinës: Stephen Harris)

Komento
Etiketimet
Shperndaje