Blitz | Kliko dhe Informohu

 Lajmi Fundit

Samsung Galaxy S7 Edge VS iPhone 6S Plus. Ja cili e fiton garën!

April 06
10:15 2016

Paraqitja (dizanji)

Paraqitja (dizanji)
Picture 1 of 7

Të dy celularët kanë një bazë të ngjashme dizenjimi nga seritë parardhëse të dy kompanive, por sigurisht janë bërë rregullime të vazhdueshme, si psh në rastin e iPhone është përdorur një gradë më e lartë alumini për të mbrojtur më tepër telefonin në rast përplasjeje, ndërsa çdo gjë tjetër iPhone 6S Plus e ka identike me iPhone 6 Plus. Galaxy S7 Edge është pak më i hollë se paraardhësi i tij, kjo sepse dhe kamera është përshtatur me një sheshim të ekranit rrumbullak ku bëhet edhe shkrepja. Gjithashtu një element tjetër, është adoptuar nga Galaxy Note 5, ku cepat e ekranit janë më të mbështetur për të qëndruar më mirë në dorë si dhe krijon një pozicion fiks në tavolinë. Përsa i përket dizajnit, pëlqimi ndaj tij është shumë subjektiv ndaj nuk mund të dalim në përfundime se cili është më i bukur se tjetri, por ajo çka mund të themi është se të dy këto aparate celulare janë të një madhësie sa një dorë nuk mund t'i mbajë dot, sidomos në rastin e iPhone 6S Plus, ku ky veprim bëhet edhe më i vështirë sepse është edhe pak më i gjerë. Ky i fundit është edhe më i rëndë se Galaxy S7 Edge dhe më i trashë nëse e shikojmë në këndin anësor. Të dyja kompanitë kanë punuar për të realizuar dy telefonë vërtetë të paraqitshëm, megjithatë sipas edhe ankesave dhe pëlqimeve të publikut nëpër forume, duket se smartphone-i që është më i lehtë për t'u mbajtur e për tu menaxhuar në dorë është Galaxy S7 Edge, duke ia kaluar kështu rivalit të tij iPhone.

Për shumë njerëz i vetmi krahasim që ja vlen të bëhet përsa i përket ceularëve janë prodhimet e fundit të kompanisë Apple dhe Samsung. Në këtë garë, janë intriguar dhe vetë stafi i të dyja kompanive që duket se po ju pëlqen i gjithë ky reagim publik për të gjetur më në fund se cili prej të dyve është më i mirë. Më poshtë do të krahasohen Samsung Galaxy S7 Edge, që është edhe telefoni i fundit që kompania Samsung ka nxjerrë në treg dhe iPhone 6S Plus nga Apple (edhe pse në fakt jemi ende në pritje për një krahasim të ri në shtator kur Apple të publikojë iPhone 7)

Komento