Blitz | Kliko dhe Informohu

 Lajmi Fundit

Prestigjozja “The Sun” ka një këshillë për turistët: “Zgjidhni Dhërmiun, para Korfuzit!”

Prestigjozja “The Sun” ka një këshillë për turistët: “Zgjidhni Dhërmiun, para Korfuzit!”
July 11
17:07 2018

Gazeta e njohur britanike “The Sun” i ka kushtuar një artikull plazheve shqiptare, madje këshillon se Dhërmiu, duhet ndërruar me Korfuzin, për shkak se është më lirë dhe ofron të njejtë.
Nga Santorini në Venecia dhe Liqenin e Komos, mund të gjeni vende të bukura, por janë të mbushura me turistë dhe super të kushtueshme në pikun e sezonit. Pse të mos shikoni këto destinacione alternative që janë të ngjashme me këto bukuri, shkruan gazeta duke e vënë theksin tek plazhet shqiptare.

“Bregdeti jonian shqiptar është përtej atij të ishullit grek të Korfuzit, madje mund ta shikoni Shqipërinë nga përtej bregut të ishullit. Plazhet e Shqipërisë janë po aqidilike”, shkruan gazeta.
“Një avantazh është fakti se Shqipëria është shumë më e lirë se sa fqinji shumë i dashur por i tejmbushur me turistë. Një kriko birre në Shqipëri kushton 58 penny, krahasuar me 1.8 paund në Korfuz, ndaj nuk do mend”.- shkruhet në të.

Ndër destinacionet e tjera që “The Sun” propozon të zëvendësohen janë: Liqeni Bled në Slloveni në vend të liqenit Como në Itali, ishulli grek Naxos në vend të Santorinit, Trieste në vend të Venecias dhe qyteti i lashtë bullgar Plovdiv në vend të qytetit të lashtë në Athinë./Blitz.al/

Komento
Shperndaje