Blitz | Kliko dhe Informohu

 Lajmi Fundit

Alarm! Mund të zhduket akulli në Arktik, si kurrë në këto 100.000 vitet e fundit

Alarm! Mund të zhduket akulli në Arktik, si kurrë në këto 100.000 vitet e fundit
June 05
19:11 2016

Të dhënat e përkohshme satelitore të nxjerra nga “National Snow & Ice Data Centre” në SHBA dëshmojnë se ka pasur pak më shumë se 11.1 milionë kilometër katrorë akull më 1 qershor të këtij viti, krahasuar me mesataren e 30 viteve të fundit: 12.7 milionë kilometra katrorë.

Kjo diferencë, pra rreth 1.5 milionë kilometër katrorë akull, është thuajse e barabartë me 6 herë madhësinë e Mbretërisë së Bashkuar.

“Parashikimi im mbetet se akulli në Arktik mund të zhduket, duke qenë se në shtator të këtij viti mund të kemi një zonë me 1 milion kilometra katrorë akull më pak. Edhe sikur ky akull të mos zhduket i tëri, përsëri do të kemi një vit rekord”, – shprehet për “The Indipendent” profesor Peter Wadhams, kreu i “Polar Ocean Physics Group” në Universitetin e Cambridge.

Hera e fundit që Arktiku ishte një zonë pa akull besohet të ketë qenë rreth 100.000 deri 120.000 vjet më parë.

Ngrohja e shpejtë e rajonit lidhet me ngjarjet ekstreme të motit, të tilla si ciklonet e përmbytjet në Mbretërinë e Bashkuar apo tornadot jashtë sezonit në Shtetet e Bashkuara.

Bazuar në një studim të publikuar në gazetën “Nature”, gazi metan dikur i ngrirë nën sipërfaqe i cili po fillon të dalë sipër mund të ndikojë në rritjen e temperaturës globale me 0.6 gradë Celsius në vetëm 5 vite.

“Ky do të ishte një problem shumë, shumë serioz lidhur me ngrohjen globale”, – shprehet prof. Wadhams, i cili shton se parashikimet janë të frikshme.

Më pak akull deti gjithashtu nënkupton një sipërfaqe të Tokës më të errët, gjë që çon në thithjen të më shumë energjie diellore.