Blitz | Kliko dhe Informohu

 Lajmi Fundit

9 rregulla ushqimi që duhet t’i merrni në konsideratë…nëse doni një bark “petë”!

9 rregulla ushqimi që duhet t’i merrni në konsideratë…nëse doni një bark “petë”!
March 23
12:42 2016

Sa herë e ushtroni sportin gjatë javës? Ushtrimi disa herë në javë është vendimtar për rritjen në masë të muskujve, përmirësimin e metabolizmit dhe ndryshimin e formës së trupit, por edhe shprehitë tuaja në kuzhinë pasi sigurisht duhet pasur kujdes se çfarë konsumoni.
Duke ndjekur këshillat e një trajneri si Pete Fraser, fillimisht duhet hartuar një plan ushqimi i kufizuar në kalori dhe i përqendruar në ushtrime trupore, duhen konsumuar ushqyesit e duhur dhe mbi të gjitha duhet pakësuar yndyra.

  1. Karbohidratet nuk janë armiq
    Të gjithë ata që kërkojnë përreth për mënyrat më të shpejta në të humburit peshë i mendojmë karbohidratet si armiq që duhet t’i nxjerrim jashtë trupit dhe proteinat si alternativa më e mirë për t’i zëvendësuar. Megjithatë, në bazë të sugjerimeve të instruktorit, humbja e karbohidrateve konsiston në një dietë kryesisht e përqendruar në peshën e ujit në vend të indeve, edhe pse ju mund të mos i përfshini karbohidratet në përditshmëri por sërish do të keni po të njëjtin rezultat dramatik. Kështu që mos i anashkaloni alternativat, bukë të thekur ose tost në mëngjes, banane para ushtrimeve, oriz në drekë, ndoshta pak karbohidrate pasdite dhe darkën lëreni për proteina.
  2. Zgjidhni proteinat e duhura
    Një tjetër mit i dietave që ka mashtruar shumë apasionues është ideja e të konsumuarit proteina në masë të pakufizuar nga çdo përbërës duke theksuar vetëm faktin që niveli i karbohidrateve në trup të ishte i ulët. Kjo do të thotë konsum i lartë i mishit të kuq dhe i proshutës. Ndoshta duhet ta marrim më qetë, të konsumojmë proteina, por të duhurat dhe me limit, të tilla si peshk, pulë, gjel deti dhe vezë. Të përfitosh nga fuqia që japin proteinat por pa yndyra të larta dhe kalori të tepërta është një zgjidhje më e mençur.
  3. Planifikimi është gjithçka
    Mbani shënim nëse nuk i mbani mend pasi çdo gjë e planifikuar ka më shumë kuptim. Shkruani një plan javor se çfarë do të konsumoni ditët e javës. Nëse mundeni lini boshllëqe midis mëngjesit dhe drekës apo edhe pasdites për ndonjë vakt të lehtë ku mund të rebeloheni. Duke krijuar një strukturë të tillë ju ndihmon shumë, madje edhe ju frenon nga tendenca e hapjes së frigoriferit.
  4. Perime me bollëk
    Java e parë do të rezultojë e vështirë derisa trupi juaj t’i përshtatet regjimit dhe kjo do t’ju shkaktojë uri. Një mënyrë për ta luftuar këtë, sidomos në mbrëmje, është të konsumoni me tepricë sallatën jeshile, ta mbushni pjatën aq plot sa të mos ju shkojë më mendja për ndonjë kofsh pule ose peshk në skare. Shumica e perimeve nuk ju shtojnë shifrat në kalori ndaj ju këshillohet të konsumoni spinaqin, brokolin me spërkatje të lehtë të salcës soje, karotën dhe preshin me hudhër dhe xhenxhefil.
  5. Përqendrohuni në aromat e natyrës
    Është e rëndësishme që të mbushni frigoriferin me produkte apo erëza që i japin shije ushqimit dhe i bën ushqimet tuaja më interesante, si për shembull: hudhër, majdanoz, salcë soje, uthull, limon, mustardë etj.
  6. Uria nuk është e tmerrshme
    Është pothuajse përgjigja jonë e menjëhershme në konsiderimin e urisë si të tmerrshme dhe të padurueshme, që kjo ndjesi duhet të marrë fund sa më shpejt të jetë e mundur. Në fakt, në një dietë të tillë, zakonisht uria nuk zgjat dhe ndodh rrallë pasi dieta kërkon të ushqehesh. Është e vështirë dhe një sfidë me veten që ndoshta ju bën t’i dashuroni vaktet aq shumë sa mezi t’i prisni.
  7. Çfarë mund të themi për snack-et?
    Ende mund t’ i konsumoni madje dhe duhet ta bëni këtë gjë. Vetëm siguroheni që jeni duke konsumuar opsionet e drejta, si për shembull bajame dhe arra.
  8. Uji është aleati juaj kryesor
    Gotat e rregullta me ujë janë vendimtare për trupin tuaj pasi ndihmojnë në stabilizimin e oreksit. Çajërat bimore luajnë gjithashtu një rol të rëndësishëm pasi kanë shije dhe shumë pak kalori.
  9. Kujtojeni veten përse jeni duke mbajtur dietë
    Është e lehtë të mërzitesh me gjithçka që kufizon stilin tuaj të jetës, veçanërisht nëse harroni arsyet që ju shtynë ta nisni këtë qëllim. Duhet t’i kujtoni vetes qëllimin dhe ta stimuloni veten qoftë edhe me një shkrim mbi derën e frigoriferit apo një shkrim në telefon.
Shperndaje