Blitz | Kliko dhe Informohu

Planifikimi i një martese “ëndërr” mund të jetë një përpjekje e kushtueshme, por lajmi i mirë është se sa më e lirë në kosto të shkojë dasma, aq më shumë ka gjasa që martesa të zgjasë.

Ndërsa revistat e martesës dhe kompanitë e diamanteve vazhdojnë të përkrahin idenë se dasmat duhet të jenë përrallë, studiuesit kanë arritur në përfundimin se e kundërta është e dobishme për qëndrueshmërinë e martesës.

Për të arritur në përfundim, profesorët e ekonomisë Andrew Francis-Tan dhe Hugo M Mialon anketuan 3.000 njerëz të martuar dhe gjetën se ka disa karakteristika që rrisin gjasat e divorcit.

Sipas studimit, shuma të cilën çiftet kalojnë në një unazë martese dhe ceremonia është e lidhur anasjelltas me kohëzgjatjen e martesës.

Me unazat e martesës, studiuesit gjetën se sa më shumë para të shpenzoheshin, aq më shumë gjasa kishte që çiftet të shkurorëzoheshin – sidomos kur kostoja e unazës arrin më shumë se 2.000 dollarë.

“Në mënyrë të veçantë, në kampionin e burrave, shpenzimet në mes të $ 2,000 dhe $ 4,000 (£ 3,000) në një unazë  është e lidhur me 1,3 herë rrezik më të madh të divorcit në krahasim me shpenzimet midis $ 500 (£ 376) dhe $ 2,000”, – thuhet në studim.

E njëjta gjë vlen edhe për çmimin e ceremonisë – me dasma që kushtojnë më pak se $ 1,000 (£ 753) duke treguar një rënie të ndjeshme në gjasat e divorcit dhe dasmave që kushtojnë më shumë se 20,000 dollarë, duke rritur gjasën 1,6 herë.

Megjithëse unazat dhe dasma mund të ndikojnë dobët në kohëzgjatjen e martesës, studiuesit zbuluan se “shkuarja në muajin e mjaltit shoqërohet ndjeshëm me një rrezik më të ulët të divorcit”.

Ju tashmë e dini vetë si t’i bëni llogaritë… /Blitz.al/