Blitz | Kliko dhe Informohu

 Breaking News

Keni filluar të ndiheni të stresuar këtë javë? Fajin e ka Marsi

Keni filluar të ndiheni të stresuar këtë javë? Fajin e ka Marsi
August 19
14:50 2019

Marsi tek Luani i dha verës tënde të gjithë energjinë që duhej për t’u kënaqur. Por pas gjithë rrëmujës dhe aventurës, ditët e fundit keni filluar të ndiheni konfuzë dhe të stresuar? Epo fajin e ka Marsi që tashmë ka kaluar në shenjën e Virgjëreshës (që nga 18 gushti) dhe është koha të pastroni shtëpinë dhe jetën tuaj. Shenjat e Tokës si Demi, Virgjëresha dhe Bricjapi do të fillojnë të riorganizojnë lehtësisht jetën e tyre, ndërkohë shenjat si Binjakët, Peshqit dhe Shigjetari do të kenë një periudhë sfiduese.

Marsi në shenjën e Virgjëreshës do të thotë zell dhe perfeksion.Ajo është shenja më perfeksioniste dhe detajiste, që nuk kombinohet shumë mirë me Marsin e nxehtë dhe të paduruar. Kështu që bëhuni gati të kujdeseni për përgjegjësitë tuaja dhe të realizoni çdo gjë në mënyrë perfekte që herën e parë. Nëse vini gjithçka në vijë tani, mund të jeni shumë produktivë dhe të lumtur 6 javët e ardhshme. Do të keni më shumë punë dhe pastrim sesa festa dhe vëmendje.

Por cilat janë rreziqet e kësaj lëvizjeje të planetit? Mund të ktheheni në të fiksuar dhe të shpërtheni sapo bëni një gabim të vogël, apo diçka nuk ju shkon siç duhet. Gjithashtu, do të keni tendencën të kritikoni tërë kohën të tjerët, prandaj përmbahuni.

Shtatori do të jetë muaji më produktiv i vitit, kështu që bëhuni gati! Dhe mos harroni, nëse nuk keni gati një justifikim për çfarëdo qoftë, mund të thoni: “E kanë fajin yjet!” /Blitz.al/

 

 

Share