Blitz | Kliko dhe Informohu

 Lajmi Fundit

Vijon saga Meta-Rama, kryeministri ironizon Presidentin:”I ka vjedhur passwordin doktoresha shekncave”

Vijon saga Meta-Rama, kryeministri ironizon Presidentin:”I ka vjedhur passwordin doktoresha shekncave”
January 11
11:01 2019

Duket se refuzimi i Gent Cakaj si ministër i jashtëm ka acaruar marrëdhënien e kryeministrit me presidentin. Pas statusit të Ilir Metës ku shprehej  se asnjë fuqi në botë s’mund ta shantazhojë dot Presidentin  e menjëhershme ka qenë përgjigja e kryeministrit  Rama.

 

“Mos e merrni seriozisht ju lutem, ose i ka vjedhur Doktorresha e Shkencave passwordin e faqes zyrtare ose pastaj eshte ne ate fazen kur i ben thirrje popullit per te marre armet, ngaqe s’di si te dale nga gropa qe i hap vetes! I çova provat e mekatit ndaj Gentit dhe vuan tani,” shkruan Rama

Mëngjesin e sotëm i pari i vendit, ashpërsoi tonet ndaj kreut të qeverisë, ndërsa në një postim në facebook shkruante se bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë.

“Ai që guxoi të kërcënojë komisar Zaganin pse denoncoi bashkëpunimin e trafikantëve të drogës me pushtetarët, ai që guxoi të kërcënojë nënkomisarin e Fushë-Krujës pse hetoi dhunimin e një vajze nga djali i një deputeti, ai që guxoi të kërcënojë një profesor të nderuar vetëm pse i shkruajti një letër Presidentit të Republikës në mbrojtje të interesit kombëtar, ai që kërcënon çdo ditë gazetarë e pronarë mediash, ai që kërcënon prokurorë e gjyqtarë, ai që kërcënon opozitarë dhe dëshmitarë, ai që urdhëron falsifikimin e letrave të tenderave e deri tek dokumente të sigurisë kombëtare bëri gabimin fatal të kërcënojë edhe Presidentin e Republikës së Shqipërisë në mënyrë të drejtpërdrejtë. “- shkruan Meta.

Burimi:Ballkanweb

Komento
Shperndaje