Blitz | Kliko dhe Informohu

 Lajmi Fundit

(Video) Vidhte marketet nën kërcënimin e armës, arrestohet 27 vjeçari në Tiranë

(Video) Vidhte marketet nën kërcënimin e armës, arrestohet 27 vjeçari në Tiranë
August 17
11:26 2019

Policia e Tiranës ka finalizuar një operacion policor, duke arrestuar 27 vjeçarin ishte kthyer në makthin e marketeve në kryeqytet. Siç shihet dhe në videon e mëposhtme, i riu vidhte markete dhe pika të rimbushjes telefonike, teksa kërcënonte shitësit me armë. Gjatë arrestimit, i janë gjetur arma e zjarrit që përdorte, së bashku me veshjen dhe kapelen.

Njoftimi i policisë:
Finalizohet operacioni policor i koduar ‘Maskimi” i realizuar me metoda proaktive. Vidhte me armë markete dhe pika rimbushje telefonike, vihet në pranga 27 vjecari. Sekuestrohet arma e zjarrit pistoletë që dyshohet se e përdorte për vjedhjet.

Në vijim të punës hetimore për zbardhjen vjedhjeve të ndodhura më parë si dhe kapjen dhe vënien para përgjegjësisë ligjore të autorëve të dyshuar, forcat policore të Komisariatit të Policisë Nr.2 në bashkëpunim me Prokurorinë e Rrethit Gjyqësor Tiranë dhe me forcat policore të Komisariatit të Policisë Nr. 3 , finalizuan operacionin policor “Maskimi”, duke arrestuar shtetasin E.B, 27 vjeç, banues në Tiranë.

Nga veprimet hetimore të kryera, të dokumentuara edhe me pamje filmike, dyshohet se ky shtetas, nën kërcënimin e një arme zjarri pistoletë ka kryer disa vjedhje si: një market në rrugën “Naim Frashëri”, një pike rimbushje telefonike në rrugën e Durrësit, si dhe dyshohet edhe në një pikë dhënie kredie në zonën e Zogut të Zi.

Në momentin e arrestimit, gjatë kontrollit iu gjet dhe sekuestrua në cilësinë e proves materiale, një armë zjarri pistoletë me të cilën dyshohet të ketë kryer vjedhjet si dhe rrobat që kishte përdorur në realizimet e vjedhjeve bashkë me kapelet.

Vijon puna hetimore për zbardhjen dhe dokumentimin e ngjarjeve të tjera kriminale ku ky shtetas mund të jetë i implikuar. Materialet procedurale iu referuan Prokurorisë pranë Gjykatës Shkallës Parë Tiranë për veprime të mëtejshme për veprën penale “Vjedhja me armë”.

Burimi: BalkanWeb

 

Komento
Shperndaje