Blitz | Kliko dhe Informohu

 Lajmi Fundit

(Video) Siri – Cili do të shpërthejë i pari? Kamikazët zgjedhin monedhën për të vendosur…

(Video) Siri – Cili do të shpërthejë i pari? Kamikazët zgjedhin monedhën për të vendosur…
October 24
19:41 2016

Në qytetin e Aleppo-s në Siri, 2 kamikazë janë “konfliktuar” me njëri-tjetrin, pasi të dy dëshironin të kryenin aktin vetëvrasës të radhës e për këtë kanë gjetur një zgjidhje tepër të njohur për të gjithë: ku është monedha?

Videoja është shpërndarë nga televizioni satelitor iranian “Alam”. Nga pamjet dallohet njëri prej luftëtarëve, i cili fsheh një monedhë në njërën dorë dhe i mban të dyja duart e mbyllura drejt luftëtarit tjetër, në mënyrë që ai të gjejë ku është monedha.

Luftëtari i dytë ka qëlluar “me fat” e kështu është ngjitur në autobombë për të shpërthyer më tej, duke ngritur një re të madhe tymi në qiell.

Kamikazi që kreu aktin ishte tuniziani Abu Lukman al Tunisi, i cili para se të bënte veprimin vetëvrasës, i lumtur, përqafoi shokun e tij, për t’i dhënë lamtumirën e fundit. /Blitz.al/

Shperndaje