Blitz | Kliko dhe Informohu

 Breaking News

U gjetën të përqafuar me njëri–tjetrin, tre fëmijët e familjes Lala dhe nëna e tyre nxirren të pajetë nga rrënojat

U gjetën të përqafuar me njëri–tjetrin, tre fëmijët e familjes Lala dhe nëna e tyre nxirren të pajetë nga rrënojat
November 28
18:08 2019

Shtohet tragjedia për familjen Lala në zonën e ish-Kënetës në Durrës, teksa për fat të keq nga kjo familje janë nxjerrë trupat e pajetë të katër personave.

“Balkanweb” raporton se në rrënojat e shtëpisë së familjes Lala janë gjetur katër trupa të pajetë. Viktima janë tre fëmijë, dy prej të cilëve binjakë Dionisi dhe Dionisa, djali Emilio 6 vjeç dhe nëna Marjeta 31 vjeçe. Ata u gjetën të përqafuar me njëri–tjetrin.

Në këtë operacion kanë marrë pjesë forca speciale nga vende të ndryshme. Për të nxjerrë trupat e pajetë nga rrënojat, kanë punuar forcat greke dhe të tjera të huaja, që erdhën të ndihmojnë Shqipërinë në këto momente të vështira.

Me nxjerrjen e 4 trupave të pajetë nga rrënojat e banesës së familjes Lala në zonën e ish-Kënetës në Durrës, numri i viktimave nga kjo tragjedi shkon në 47. Ndërsa, raportohet se si pasojë e lëkundjeve të tërmetit, janë lënduar mbi 790 persona. /Blitz.al/

Burimi: Balkanweb

 

Share