Blitz | Kliko dhe Informohu

 Breaking News

Tërmeti/ Ministri fuqiplotë bën bilancin: Sot përfundon strehimi i të gjithë familjarëve të viktimave

Tërmeti/ Ministri fuqiplotë bën bilancin: Sot përfundon strehimi i të gjithë familjarëve të viktimave
December 04
09:28 2019

Ministri fuqiplotë i caktuar nga qeveria për gjendjen e jashtëzakonshme pas tërmetit, Bledi Çuçi, bëri sot një bilanc përmbledhës të dëmeve të shkaktuara nga tërmeti i 26 nëntorit dhe njerëzve të strehuar deri më tani.

Ndër të tjera, ministri theksoi se sot do të përfundojë akomodimi i gjitha familjeve që tërmeti iu mori njerëzit e tyre. “Sot përfundimi strehimi për të gjitha familjet e prekura me viktima”-tha Çuçi, i cili shtoi:

Strehimi ka shkuar në 12 mijë persona, të cilët tani janë akomoduar në hotele, çadra, qendra sociale, palestra, etj. 4 mijë persona janë në hotele, 254 në palestra, 6.5 mijë në çadra, 395 në qendra sociale, 769 në Kosovë dhe 436 në akomodime të tjera.

Përsa i takon dëmeve, në 26 shkolla me 10300 nxënës janë me dëme, 15 në Durrës, 2 në Lezhë dhe 9 në Tiranë. Nga objektet, 656 janë inspekuar në Durrës, 242 të pabanueshme, 27 për t’u prishur. Në qarkun Tiranë jaën 525 pallate të dëmtuara dhe 3921 banesa dhe 146 biznese. Në Lezhë 400 banesa të dëmtuara, 138 me dëme të mesme, 53 pallate të dëmtuara rëndë, 13 institucione me dëme të rënda dhe 3 të mesme.

Sot përfundimi strehimi për të gjitha familjet e prekura me viktima. U bëj thirrje për pak durim banorëve, asnjë banesë nuk do të mbetet pa verifikim. Prioritet tjetër është hartimi i listës së ndërtuesve me dëme, dje 12 pronarë shprehën gatishmëri për rindërtimin e pallateve që nuk kanë marrë goditje në strukturë.

Sot do të fillojmë me lejet përkatëse që të fillojnë menjëherë. Duhet një udhëzim për bashkitë e prekura për trajtim të bonuesve të qirasë deri kur të përfundojë akomodimi. 20 objekte të shembura deri tani në bazë të procedurave, nga akti i konstatimit te dosja procedurale, para ndërhyrjes së shembjes me fiksimin e vendit të ngjarjes dhe marrjes së provave, 8 në Thumanë dhe 12 në Durrës. Donacionet janë gjithmonë në rritje” /Blitz.al/

Burimi: Balkanweb

Share