Blitz

 Breaking News

Tërmeti i 26 nëntorit shkaktoi një dëm prej 985 milion euro

Tërmeti i 26 nëntorit shkaktoi një dëm prej 985 milion euro
February 05
11:07 2020

Dëmet nga tërmeti i 26 nëntorit kapin vlerën e rreth 985 mln euro. Shifra u prezantua nga ministri Bledi Çuçi në raportin përfundimtar të vlerësimit.

Ministri Çuçi tha se raporti ka përfunduar në datën 30 janar dhe për këtë është punuar për 45 ditë pa pushim.

Bledi Çuçi: “Raporti është hartuar sipas standardeve të BE, BB dhe Agjencive të Kombeve të Bashkuara dhe më të njëjtën metodologji që është përdorur edhe në rastet e fatkeqësive të tjera natyrore në botë.

Krahas ngritjes së këtij sistemi, në kohë rekord u bë verifikimi i 50 mijë ndërtesave të cilat përbëjnë 80% të totalit të objekteve të dëmtuara nga tërmeti si dhe u identifikuan 100% ndërtesat me rrezikshmëri të lartë. 

Ndihmë dhanë edhe kryebashkiakët dhe paralelisht janë zhvilluar dhe 4 anketa në 3 qarqe për të evidentuar pasojat socio-ekonomike të familjeve dhe bizneseve.

Ekspertët kanë vlerësuar dëme dhe humbje në shumën prej 985 mln e 74 mijë e  906 euro”.

Ministri tha po ashtu se dokumenti nuk është shterues dhe do të shërbejë si udhërrëfyes për programin e rindërtimit.

Bledi Çuçi: “Qeveria shqiptare do të zbatojë programin e rindërtimit, i cili  kërkon bashkëpunimin dhe qasjen aktive të qytetarëve. Deri tani kemi miratuar një fond për këtë program si dhe 18 zona të reja rindërtimi. Ky program mbetet një sipërmarrje e jashtëzakonshme. Për të adresuar çdo problematikë kërkohet një mobilizim i përbashkët i burimeve financiare. Unë besoj se kjo do të ndodhë në konferencën e donatorëve”.

Share