Blitz | Kliko dhe Informohu

Takimi i sotëm i kryeministrit Edi Rama dhe kryeparlamentarit Ilir Meta në një lokal në kryeqytet ka përfunduar. Fillimisht u mendua se temë e këtij takimi të krerëve të koalicionit qeveritar do të ishte vazhdimësia e koalicionit, referuar deklaratës së djeshme të kryeministrit.

Por kreu i Kuvendit, Ilir Meta, i ka hedhur poshtë këto hamendësime. Ai deklaroi pas përfundimit të takimit se nuk ka ç’të diskutohet më për vazhdimësinë e koalicionit.

“Nuk ka mbetur gjë për t’u diskutuar për koalicionin. Diskutuam për stadiumin e ri në Shkodër dhe për ndeshjen që Shqipëria do të luajë sot me Marokun”, – është shprehur Meta.

Në seancën e djeshme plenare u arrit mbështetja e nevojshme për të kaluar ligjin për kontrollin e prokurorëve dhe gjyqtarëve, njohur ndryshe si Vetting-u. /Blitz.al/