Blitz | Kliko dhe Informohu

 Lajmi Fundit

Shkodër – Plagosin me armë një shtetas, arrestohen 3 prej autorëve

Shkodër – Plagosin me armë një shtetas, arrestohen 3 prej autorëve
October 21
10:07 2016

Nga  Anduena Llabani

Më datë 20.10.2016, në fshatin Zues në Shkodër, në vendin e quajtur Dajlan, është marrë njoftim se është plagosur me armë lehtë në këmbë shtetasi S.H. 78 vjeç, banues në Zues, i cili ka marrë mjekim në spitalin rajonal Shkodër dhe ndodhet jashtë rrezikut për jetën. Menjëherë është ngritur grupi hetimor dhe si rezultat i veprimeve të kryera në lidhje me këtë ngjarje u bë arrestimi në flagrancë i shtetasve: Fatmir Derguti, 45 vjeç, banues në Shkodër; Musa Torishta, 62 vjeç, banues në Shkodër; Akil Isufi, 27 vjeç, banues në Shkodër.

Gjithashtu u bë shpallja në kërkim dhe po punohet për kapjen e shtetasit: H.I, 55 vjeç, banues në Shkodër.

Këta shtetas dyshohet se për motive të dobëta kanë plagosur me armë pneumatike shtetasin S.H., si dhe gjatë kontrollit të ushtruar në ambientet e ishullit Dajlan, te “Shtëpia e peshkatarit”, e cila ndodhet në afërsi të vendit të ngjarjes që e administron shtetasi Fatmir Derguti dhe është në pronësi të shtetasit Akil Isufi, u gjetën e u sekuestruan në cilësinë e provës materiale: 2 pistoleta tip “Ekol” me krehër me 6 fishekë; 1 pistoletë tip “Baret” me krehër me 4 fishekë; 6 fishekë model 54; 1 armë gjahu; 2 armë gjahu teke; 162 copë fishekë.

Materialet proceduriale iu referuan Prokurorisë së Rrethit Gjyqësor Shkodër në ngarkim të shtetasve: Fatmir Derguti i dyshuar për veprat penale të “Plagosje e lehtë me dashje” , “Prodhim dhe mbajtje pa leje e armëve luftarake dhe municionit” dhe “Moskallëzim krimi ” parashikuar nga Nenet 89, 278 dhe 300 të Kodit Penal. Musa Torishta, i dyshuar për veprat penale të ”Plagosje e lehtë me dashje” dhe “Moskallëzim krimi”, parashikuar nga Nenet 89 dhe 300 të Kodit Penal. Akil Isufi dhe H.I. të dyshuar për veprën penale të “Prodhim dhe mbajtje pa leje e armëve luftarake dhe municionit”, parashikuar nga Neni 278 i Kodit Penal./Blitz.al/

z1 z2

Shperndaje