Blitz | Kliko dhe Informohu

 Breaking News

Sherri me 3 të plagosur në Fakultetin Ekonomik, Dekani dënon aktin e rëndë: Agresorët të dalin para ligjit

Sherri me 3 të plagosur në Fakultetin Ekonomik, Dekani dënon aktin e rëndë: Agresorët të dalin para ligjit
November 05
15:40 2019

Ditën e djeshme një mesazh i ardhur në Inbox-in e Blitz.al tregoi se studentë të fakultetit Ekonomik në Tiranë ishin dhunuar fizikisht nga persona të paidentifikuar të cilët kishin hyrë në auditor gjatë mësimit.

 

Ngjarja është shënuar rreth orës 17:20, në ish-menzën e Qytetit Studenti, ku viti i tretë i Financës po zhvillonte leksion.

Për pasojë, nga sherri kanë përfunduar në spital tre të rinj. Raportohet se mësimi i studentëve të Ekonomikut po zhvillohej tek ish-menza e QZ, pasi ambientet e fakultetit janë në rikonstruksion.

Dekani i Fakultetit Ekonomik, Dhori Kule, ka folur për ngjarjen e rëndë në “Qytetin Studenti”, ku dy persona jo studentë, kanë hyrë brenda në sallën e leksioneve dhe janë konfliktuar me studentët e grupit që zhvillonte orën e mësimit. Ai theksoi se përplasja mes tyre ka ndodhur pasi ka mbaruar mësimi. Dekani tregoi detaje mbi këtë ngjarje të rëndë, ndërsa ripërsërit apelin për strukturat e policisë që të zbardhin këtë akt vandal.

“Pasdite dje gjatë zhvillimet të mësimit, një pedagoge e fakultetit tonë më ka sqaruar se janë futur në leksion dy djem që nuk kanë qenë pjesë e klasës dhe janë ulur në fund të klasës. Këtë dy djem grindeshin me njërin nga djemtë e grupit dhe vetë grupi i studentëve i kanë kërkuan pedagoges që të nxirren jashtë.Pasi kanë mbaruar mësimin në ambiente jashtme të godinës ka ndodhur një grindje. Ne si dekanat kemi marrë masat në mënyrë që të sigurohemi që përmes policisë, që studentët të mos guxojë kush t’i godasë, brenda ambienteve jo e jo, por as jashtë  në qytetin studenti. Ata që kanë guxuar të godasin studentët tanë duhet të përgjigjem patjetër para ligjit.

Në ambientin kur ka ndodhur ngjarja është policia e qytetit studentit. Kudo ka roje në ambientet e brendshme, në ambiente e tjera janë me polici private.Ata nuk i ka dërguar kush aty. Vetë studentët nuk i kanë pranuar. Pedagogia iu ka thënë ju nuk jeni studentë këtu dhe vetë grupi nuk i ka pranuar të vazhdojnë mësimin dhe grupi i ka nxjerrë jashtë dhe pasi ka mbaruar mësimi ka ndodhur ngjarja. Më thonë se kanë qenë më shumë se dy veta. Studentët janë trajtuar te Trauma. Dua t’u sigurojë studentëve që mos t’i shkojë mendja askujt që mund t’i dhunojë ata”-tha Kule.

Share