Blitz | Kliko dhe Informohu

 Lajmi Fundit

Sarandë, policia vë në pranga polakun në kërkim ndërkombëtar

Sarandë, policia vë në pranga polakun në kërkim ndërkombëtar
March 13
19:54 2018

Policia e Sarandës ka arrestuar sot një shtetas të shpallur në kërkim ndërkombëtar me qëllim ekstradimi drejt Polonisë. Arrestimi i tij u arrit falë bashkëpunimit me Interpol Tirana.

Më datë 13.03.2018, Komisariati i Policisë Sarandë në bashkëpunim me ZQK Interpol Tirana, kapën dhe arrestuan, shtetasin polak të shpallur në kërkim ndërkombëtar: Przemyslaw Pasternak, 38 vjeç, lindur në Poloni.

“Gjykata Rajonale Poznan/Poloni me vendim nr. III K 549/08 të datës 22.04.2013 e ka dënuar këtë shtetas me 4 vjet e 6 muaj, (mbetur për të vuajtur 3 vjet, 6 muaj dhe 22 ditë burgim), për veprat penale, “Mashtrim dhe Falsifikim”, parashikuar nga nenet 286/1 dhe 294, 297 të Kodit Penal Polak, pasi ky shtetas në lokalitetin Ponznan/ Poloni prej vitit 2004 deri në vitin 2006 nëpërmjet mashtrimit ka paraqitur dokumentacion të falsifikuar lidhur me punësimin e disa personave me aftësi të kufizuar duke i shkaktuar një kompanie një dëm në shumën e parave 2 943 991 (polake)”, thuhet në një njoftim të policisë.

Po kryen të gjitha veprimet procedurale për ekstradimin e këtij të kërkuari drejt Polonisë.

Komento
Shperndaje