Blitz | Kliko dhe Informohu

 Lajmi Fundit

Rama për reformën në drejtësi: Të votojmë në emër të Shqipërisë, jo të frikës

Rama për reformën në drejtësi: Të votojmë në emër të Shqipërisë, jo të frikës
July 19
13:16 2016

Në konferencën e paralajmëruar për mediat, kryeministri i Shqipërisë, Edi Rama siguroi se ASHE do të votojë në bllok për të çuar vendin drejt BE-së.

“Aleanca për Shqipërinë Europiane do të votojë për të mbrojtur dritën e së ardhmes. Duhet të votojmë në emër të Shqipërisë dhe jo të frikës. Çdo karton i kuq është ndalim i vullnetit të popullit për t’i dhënë fund maskaradave. Iu siguroj se kam qenë, jam dhe do të jem deri në orën 10:00 të 21 korrikut për konsensus. Propozimi hibrid është e vetmja mundësi për konsensus.”, u shpreh ndër të tjera kryeministri.

Duke iu referuar Partisë Demokratike, kreu i Qeverisë i bëri thirrje kryedemokratit Basha të sillet si lider. Ai theksoi se “PD nuk mund të marrë atë që nuk i takon. Kërcënimet dhe shantazhet deri tek mandatet janë shprehje alarmante e strukturës diktatoriale.”. Në përfundim, ai kërkoi bashkëpunim për të mbyllur këtë proces. “Kjo reformë nuk është e imja, as e ndonjë partie. Ndaj duhet të bashkojmë forcat të dyja koalicionet. Të miratojmë bashkarisht reformën në drejtësi. Nuk ka asgjë të pamundur kur jemi bashkë.”, theksoi në përfundim Rama, përcjell Blitz.al.

Komento