Blitz | Kliko dhe Informohu

 Lajmi Fundit

Provimi i certifikimit për mjekët, kushtet dhe datat kur do të zhvillohet

Provimi i certifikimit për mjekët, kushtet dhe datat kur do të zhvillohet
September 28
10:27 2016

Mjekët, stomatologët dhe farmacistët që nuk kanë plotësuar kreditet për të vijuar punën, do t’i nënshtrohen sërish provimit të certifikimit që do të zhvillohet gjatë datave 3-7 tetor. Për të mos u larguar nga puna, ata do t’i nënshtrohen sërish testimit për të parë nëse i zotërojnë të gjitha aftësitë.

Që këta mjekë, stomatologë dhe farmacistë të futen në provim, nevojitet që të jenë të pajisur me dokument identiteti, fotokopje të saj dhe faturën e pagesës për provimin e certifikimit. Duhet që të paraqiten të paktën 30 minuta përpara fillimit të provimit.

Ky provim i certifikimit do të cilësohet i suksesshëm nëse profesionisti do të arrijë të sigurojë të paktën 50% të pikëve maksimale. Vlerësimi i tyre do të kryhet në mënyrë automatike nga sistemi kompjuterik.

Datat sipas profileve

3 tetor 2016 – Mjekësia familje; Endokrinologjia; Mikrobiologjia; Shëndeti publik; Mjekësia ligjore.

4 tetor 2016 – Kirurgjia; Radiologjia; Neurologjia; Kardiologjia, Biokimia.

5 tetor 2016 – Anestezi-Reanimacion; Hematologjia; Onkologjia, Psikiatria; Reumatologjia.

6 tetor 2016 – Pediatria; Obstetrikë-Gjinekologjia; Urgjenca mjekësore, Ortopedia.

Po në këtë datë, në orën 09:00, zhvillohet pranë Universitetit të Mjekësisë (Departamenti i Farmacisë), provimi i certifikimit për farmacistët.

7 tetor 2016 – Stomatologjia.

/Blitz.al/

Etiketimet
Shperndaje