Blitz

 Breaking News

Policia kontrolle gjatë natës në Tiranë, shpejtësi deri në 170 km në orë

Policia kontrolle gjatë natës në Tiranë, shpejtësi deri në 170 km në orë
January 12
09:11 2020

Policia Rrugore në orët e vona të mbrëmjes së djeshme ka pezulluar 17 patenta në Tiranë, duke ndëshkuar kështu drejtuesit e makinave, të cilët udhëtonin me shpejtësi tej normave apo konsumuan shkelje të tjera të kodit rrugor.

Ka nga ata shoferë, që duke përfituar nga nata, “shkelin” gazin duke udhëtuar me shpejtësi deri në 170 km në orë. Policia bën apel për drejtuesit të mos i tejkalojnë limitet e shpejtësië, të zbatojnë rregulloren dhe mos t’i japin makinës nën efektin e alkoolit apo në gjendje të dehur, pasi rrezikojnë jetën e tyre dhe të përdoruesve të tjerë të rrugës.

Postimi i ploë nga Policia:

Monitorim i rrugëve me Radar e Drager në orët e vona të mbrëmjes dhe orët e para të mëngjesit për rritjen e parametrave të sigurisë në fundjavë.

Sauk-Teg dhe Durrës-Tiranë 🛣🚀✈🏠???🚑
Për 5 orë monitorim me Radar, u pezulluan 17 Leje Drejtimi për shpejtësi që varionte nga 138 deri në 170 km/h.
Kontrollet po vijojnë në këto momente edhe me alkool/testues drager për të ndëshkuar ata drejtues mjetesh që drejtojnë mjetin nën efektin e alkooli apo në gjendje të dehur duke rrezikuar jetën e tyre dhe të përdoruesve të tjerë të rrugës.
Mos shpejto të arrish aksidentin, shpejtësia ✈ vret jetën🚑.
Mos abuzoni me shpejtësinë dhe alkoolin se në rastin më të mirë ju pret polici në rrugë🚔🚓✍😇 #zbatorregullatudhetoisigurt” /Blitz.al/

Burimi: Balkanweb

Share