Blitz | Kliko dhe Informohu

 Lajmi Fundit

Me lot në sy, kryeministrija britanike Theresa May jep dorëheqjen

Me lot në sy, kryeministrija britanike Theresa May jep dorëheqjen
May 24
11:26 2019

Me lot në sy, kryeministrja britanike, Theresa May, njoftoi se do të japë dorëheqjen si kryetare e Partisë Konservatore dhe rrjedhimisht si kryeministre më 7 qershor. May ka qenë nën presion për të dhënë dorëheqjen pas dështimit të negociatave për Brexit.

Posti i kryetares së konservatorëve i garantonte asaj detyrën e kryeminitres së Britanisë së Madhe. Që nga janari i këtij viti, parlamenti britanik ka hedhur poshtë tri herë marrëveshjen e largimit të Britanisë nga BE-ja. Britania është dashur të dalë nga Bashkimi Evropian më 29 mars por kryeministrja, Theresa May, nuk arriti të bindë ligjvënësit britanikë për të votuar marrëveshjen e arritur me udhëheqësit e BE-së.

Megjithatë ajo arriti të marrë dakordësinë e BE-së për shtyrjen e afatit të Brexit-it deri më 31 tetor, datë kjo kur Britania duhet të dalë nga BE-ja me ose pa marrëveshje.

Ajo pranoi se tani nuk i ka mbetur më asnjë mundësi për ta votuar marrëveshjen e Brexit në Parlament, por u bëri thirrje deputetëve që të bashkohen e t’i përgjigjen popullit për referendumin.

“Ka qenë nderi më i madh i jetës sime që të shërbej si kryeministrja e dytë femër”, tha Mej e përlotur. “Por sigurisht që s’do të jem e fundit.”

/Blitz.al/

Komento
Shperndaje