Blitz | Kliko dhe Informohu

 Lajmi Fundit

Kjo është lista e kuotave bosh për programet e studimit në Universitetin e Tiranës

Kjo është lista e kuotave bosh për programet e studimit në Universitetin e Tiranës
September 20
10:06 2016

Kjo javë është vendimtare për të gjithë maturantët, të cilët nuk dolën fitues në fazën e parë të aplikimeve për në universitete. Duke parë kuotat bosh, të cilat nuk janë zënë nga fituesit e raundit të parë, maturantët që janë ende në garë duhet të kontrollojnë mirë dhe t’i krahasojnë këto kuota me preferencat e tyre.

Aplikimet e raundit të dytë do të nisin më 23 shtator dhe lista përfundimtare e fituesve do të publikohet më 6 tetor.

Deri më tani universitetet kanë dhënë këto detaje për “Balkanweb”:

Mjekësia

Në degën e mjekësisë janë regjistruar rreth gjysma e fituesve, konkretisht 134 nga 246 vende të lira që ka kjo degë. Te infermieria janë regjistruar 95 kandidatë, nga 300 kuota të lira. Çudia është te dega e farmacisë, ku deri një ditë para përfundimit të afatit nuk është regjistruar asnjë student fitues, sipas ATA. Edhe në degët e mamisë dhe fizioterapisë, numri i të regjistruarve është shumë i ulët.

 Ekonomiku
Te Fakulteti Ekonomik janë regjistruar 241 studentë nga 1178 vende të lira. Numër shumë herë më i ulët nga pritshmëritë që kanë të rinjtë për degët e këtij fakulteti.

 Shkencat e natyrës
Edhe te Fakulteti i Shkencave të natyrës, numri i të regjistruarve është i ulët, ku janë nga 2-50 studentë të regjistruar për çdo degë.

 Fakulteti Histori-Filologji
Numër të lartë regjistrimesh ka në Fakultetin e Histori-Filologjisë, ku janë regjistruar rreth gjysma e fituesve.

 Universiteti Bujqësor
Numër i ulët regjistrimesh edhe në Universitetin Bujqësor, ku më shumë se 70% e kuotave do të jenë të lira për në raundin e dytë.

Komento
Shperndaje