Blitz

 Breaking News

Katër vjedhje për katër ditë/Arrestohen tre ‘skifterët’ e huaj që kishin në shënjestër lokale, dyqane e pastiçeri

Katër vjedhje për katër ditë/Arrestohen tre ‘skifterët’ e huaj që kishin në shënjestër lokale, dyqane e pastiçeri
January 07
10:51 2020

Dy të rinj palestinezë janë vënë në prangat e policisë, pasi akuzohen se janë autorë të disa vjedhjeve, të ndodhura pas Vitit të Ri në Tiranë.

Sipas policisë, në kuadër të operacionit “Start one”, u kapen shtetasit me inicialet Y. L., 26 vjeç dhe O. E., 24 vjeç, lindur të dy në Palestinë dhe banues në Tiranë. Burime zyrtare bënë me dije se një tjetër palestinez, shtetasi me inicialet A. B., 18 vjeç, po hetohet në gjendje të lirë.

Deklarata e plotë e policisë:

Në vijim të punës për parandalimin e vjedhjeve të automjeteve, zbardhjen e atyre të ndodhura më parë, si dhe për kapjen dhe arrestimin e autorëve, shërbimet e Komisariatit të Policisë Nr. 3, pas kallëzimit të bërë nga pronarja e një dyqani të vjedhur në Rrugën e Durrësit, mbi bazën e informacioneve të grumbulluara dhe një pune disaditore, kanë organizuar dhe finalizuar operacion policor “Start one”, si rezultat i të cilit u arrestuan në flagrancë shtetasit:
Y. L., 26 vjeç, lindur në Palestinë dhe banues në Tiranë.
O. E., 24 vjeç, lindur në Palestinë dhe banues në Tiranë.
Si dhe u procedua në gjendje të lirë A. B., 18 vjeç, lindur në Palestinë dhe banues në Tiranë.

Në bazë të hetimeve dhe të provave materiale (pamjeve filmike dhe dëshmi) rezulton se këta shtetas janë autorë të disa vjedhjeve të ndodhura gjatë ditëve të para të muajit janar 2020 dhe konkretisht:

Më datë 02.01.2020, në një bar kafe, në rrugën “Zenel Baboci” kanë vjedhur një sasi lekësh dhe pije alkoolike.
Më 06.01.2020, në një dyqan, në Rrugën e Durrësit, kanë vjedhur rroba të ndryshme.
Më 06.01.2020, në një farmaci, në Rrugën e Kavajës kanë vjedhur telefon.
Më datë 06.01.2020, në ambientin e një pastiçerie, në rrugën “Ibrahim Rrugova” kanë vjedhur aparat celular dhe një portofol.

Vijon puna për zbardhjen e vjedhjeve të tjera, të cilat dyshohet se janë kryer nga këta shtetas.
Materialet procedurale do t’i referohen prokurorisë, për veprime të mëtejshme, për veprën penale “Vjedhja” më shumë se një herë , në ngarkim Y. L. dhe O. E. ” /Blitz.al/

Burimi: Balkanweb

Share