Blitz | Kliko dhe Informohu

Nga Anduena Llabani

Procesi “Xibraka” me 10 të pandehur mes tyre dhe dy shtetas kolumbianë është shtyrë për herë të 16-të, duke dështuar kështu në një prej çështjeve më të bujshme hetimore. I konsideruar si laboratori më i madh në Ballkan për përpunimin e kokainës, “Xibraka” ende nuk ka parë dritë jeshile të një debati juridik mes palëve në gjykim.

Në Tiranë prej ditësh ka mbërritur edhe konsullja e nderit të Kolumbisë, Beatriz Calvo, e cila nuk pranoi të japë shumë detaje, pasi nuk është e autorizuar.
E megjithatë Blitz.al ka mundur t’i shkëpusë një foto teksa ndodhet me një prej avokatëve mbrojtës të shtetasve kolumbianë, në ambientet e gjykatës. Ajo ka pranuar për Blitz.al vetëm faktin se ka takuar nga afër dy kolumbianët Cezar Avila dhe Walther Moreno, në dhomat e paraburgimit të burgut Vaqarr, ku është interesuar edhe për ecurinë e procesit gjyqësor, si dhe për të drejtat e tyre në këtë çështje.
Por procesi ndaj 8 shqiptarëve dhe dy kolumbianëve të akuzuar për trafik ndërkombëtar të kokainës nuk ka nisur ende. Mbi 16 seanca gjyqësore kanë dështuar, ndërkohë që avokatët e dy kolumbianëve kanë pranuar gjykimin e shkurtuar.

Beatriz Calvo, konsulle në Romë e Kolumbisë dhe avokati i dy të pandehurve kolumbianë në çështjen “Xibraka”

Dy kolumbianët e akuzuar për trafik droge, Cezar Avila dhe Walther Moreno