Blitz | Kliko dhe Informohu

 Breaking News

Fier/ Vranë dhe hodhën në kanal 23 vjeçarin, arrestohen autorët

Fier/ Vranë dhe hodhën në kanal 23 vjeçarin, arrestohen autorët
August 13
08:06 2019

24 orë pas krimit të rëndë që tronditi Fierin, Policia zbardh dhe dokumenton vrasjen e 23-vjeçarit Florian Selimi në fshatin Hamil duke arrestuar dy autorët e dyshuar.

Specialistët për Hetimin e Krimeve të Rënda në Drejtorinë Vendore të Policisë Fier, pas një pune të mirëfilltë hetimore, zbardhën dhe dokumentuan ngjarjen e ndodhur gjatë natës së datës 11.08.2019 në fshatin Hamil ku u gjet i vrarë me thikë 23 vjeçari F.S.

Sipas Ballkanweb, në përfundim të hetimeve u arrestuan shtetasit: S.S, 26 vjeç, banues në fshatin Sulaj; K.M, 20 vjeç, banues në fshatin Sulaj.

Gjatë natës së datës 11.08.2019, në fshatin Hamil, këta shtetas në bashkëpunim me njëri tjetrin, për motive të dobëta, kanë vrarë me mjet prerës shtetasin F.S, 23 vjeç, i cili ka ndërruar jetë.

Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje me dashje” e kryer në bashkëpunim dhe “Prodhimi dhe mbajtja pa leje e armëve të ftohta”./blitz.al

Share