Blitz | Kliko dhe Informohu

Dhuna në familje dhe ndaj pjesëtarëve të fisit është bërë e shpeshtë në Shqipëri dhe pavarësisht denoncimeve të shpeshta të këtyre rasteve nga shoqatat për mbrojtjen e grave, ato vijojnë të shtohen.

Dje policia e Elbasanit ka konstatuar 2 raste të dhunës në familje, ku një person ka rrahur gruan e tij, ndërkohë që një tjetër ka ushtruar dhunë ndaj kunatës.

Pas tyre, policia ka arrestuar Besnik Dashhanën, 31 vjeç, që ka goditur bashkëshorten, si dhe Refik Tërnovën, 39 vjeç, që ka goditur kunatën.

Sipas informacioneve që ka shpërndarë policia, në të dyja rastet konfliktet kanë qenë për motive të dobëta.

Tashmë të dy personat do të dalin para gjyqit për akuzën e “Dhunës në familje”.  /Blitz.al/