Blitz | Kliko dhe Informohu

 Lajmi Fundit

(Ekskluzive) Rokadë lëvizjesh në prokuroritë e rretheve

(Ekskluzive) Rokadë lëvizjesh në prokuroritë e rretheve
November 03
18:12 2016

Nga Anduena Llabani

“Lufta e ftohtë e akuzës”, kryeprokurori “rrëzon” me dekret vendimet e këshillit, për transferime prokurorësh.

Me urdhër të prokurorit të Përgjithshëm Adriatik Llalla, prokurorë të çështjeve të rëndësishme janë lëvizur nga organi qendror i akuzës, ashtu  si dhe disa krerë të prokurorive në rrethe.

Lëvizjet janë firmosur nga prokurori i Përgjithshëm, por mësohet se ato janë kundërshtuar me vendimet e Këshillit të Prokurorisë.

Këshilli vendosi që prokurori Dritan Gina të transferohej nga Durrësi në Tiranë, vendim i cili ka pasuar atë të kryeprokurorit, i cili e ka komanduar atë si drejtues të Prokurorisë së Elbasanit.

Dritan Gina është bashkëshorti i Rovena Gashit, drejtoreshë e marrëdhënieve me jashtë në Prokurorinë e Përgjithshme.

Po kështu, Këshilli i Prokurorisë ka vendosur transferimin e prokurorit Madrid Kullolli nga Prokuroria e Përgjithshme në Prokurorinë e Durrësit. Në Durrës është votuar në këshill kreu i Prokurorisë së Fierit, Ardian Ylli, që ka bërë kërkesë për një transferim të tillë.

Në Prokurorinë e Tiranës, këshilli ka votuar për të kthyer shefin e akuzës së Shkodrës, Granit Shahu. Kryeprokurori Llalla vendosi që kreu i Prokurorisë së Tiranës, Petrit Fusha të emërohej prokuror në Prokurorinë e Përgjithshme. Por pas dekretit, mësohet se ai ka vendosur ta komandojë Fushën në postin që kishte në krye të Prokurorisë së Tiranës. Të njëjtin veprim ka bërë edhe për Ramadan Trocin, që e kaloi në Prokurorinë e Përgjithshme, por sërish e ka komanduar në krye të Prokurorisë së Vlorës./Blitz.al/

Komento
Shperndaje