Blitz | Kliko dhe Informohu

 Lajmi Fundit

Drejtoria Vendore e Policisë Gjirokastër, operacione masive për sekuestrimin e kanabisit

Drejtoria Vendore e Policisë Gjirokastër, operacione masive për sekuestrimin e kanabisit
October 28
16:55 2016

Operacione masive antikanabis të organizuara dhe zhvilluara nga Drejtoria Vendore e Policisë Gjirokastër në bashkëpunim me Komisariatin e Policisë Tepelenë dhe Stacionin e Policisë Memaliaj.

Operacione për evidentimin dhe goditjen e vend-magazinimit të bimëve narkotike në proces tharje.

Operacionet kanë filluar që prej orëve të para të mëngjesit.

Në operacione, rreth 80 forca policore.

Operacionet janë zhvilluar në territorin e Tepelenës e Memaliajt.

Evidentohen katër kapanone që shërbenin për tharjen e bimëve narkotike.

Asgjësohen me anë të djegies 7.500 bimë narkotike të dyshuara Cannabis Sattiva në proces tharje.

Sekuestrohen edhe 35 kg Cannabis Sattiva.

Operacioni i parë në vendin e quajtur “Gjymshirah Meleq”, Njësia Administrative Qendër, Tepelenë, në një kapanon të përshtatur u gjetën 3 000 bimë narkotike në proces tharje, të cilat u asgjësuan në vend me anë të djegies.
Gjithashtu u gjetën dhe u sekuestruan në cilësinë e provës materiale edhe dy thasë me 20 kg Cannabis Sattiva.

Operacioni i dytë në territorin e fshatit Shals, Bashkia Memaliaj, ku u evidentua një kapanon me 2800 bimë në proces tharje.

Operacioni i tretë në territorin e fshatit Arrëz e Madhe, Bashkia Memaliaj, ku u evidentuan dy kapanone me 1700 bimë narkotike në proces tharje, si dhe 15 kg Cannabis Sattiva, që u sekuestruan në cilësinë e provës materiale.

Bimët narkotike janë asgjësuar në vend me anë të djegies.

Vijon puna për evidentimin dhe kapjen e autorëve. /Blitz.al/

Komento
Shperndaje