Blitz

 Breaking News

Dorëheqja ime? Një opsion për Reformën. Rama ka besimin tim të plotë!

Dorëheqja ime? Një opsion për Reformën. Rama ka besimin tim të plotë!
July 18
23:08 2016

Vazhdon të hedhë dritë kryetari i LSI-së, Ilir Meta mbi bisedimet për Reformën në Drejtësi dhe për vazhdimësinë e bashkëpunimit qeverisës me Partinë Socialiste.

I pyetur nga drejtuesi i emisionit rreth diskutimit të një qeverie të mundshme ekspertësh dhe dhënies së dorëheqjes nga ana e tij, Meta përgjgijet:

“Cështja e qeverisë teknike, ose qeverisë së ekspertëve u keqkuptua. Nuk thashë që do të jap dorëheqjen, por që ky është një opsion në të mirë të Reformës.”

Më tej, përsa i përket përpjekjeve për të arritur në një marrëveshje të plotë për drejtësinë, Meta falenderon kryetarin e opozitës Lulzim Basha për përpjekjet që po bën, ndërsa kur iu referua Kryeministrit Rama u shpreh:

“94 vota për të miratuar Reformën në Drejtësi nuk janë zgjidhja që na duhet. Duhet me patjetër konsensusi.”

Në lidhje me bashkëjetesën e LSI-së me PS-ënë në qeverisjen e vendit, Meta shprehet i bindur se kjo gjë funksionon, duke rrëfyer se Kryeministri Rama ka besimin e tij të plotë në vazhdimin e punës së tij.