Blitz | Kliko dhe Informohu

 Lajmi Fundit

Bojaxhi: “Bukën e bëj vetë, ta bëjmë vetë edhe politikën”

Bojaxhi: “Bukën e bëj vetë, ta bëjmë vetë edhe politikën”
June 18
16:11 2017

Fushata elektorale nuk ka treguar se ne kemi vetëm politikanë të aftë në politikëbërje, por edhe amvisa të mira.

Një prej tyre është Gjergj Bojaxhi.

I apasionuar pas alpinizmit, ai ka treguar se në këtë garë të nxehtë mund të garosh edhe duke qenë i talentuar në fushën e gatimit. Në një video të postuar për mediat nga stafi i tij ai jep mesazhe se politika mund të bëhet nga ne vetë.

Gjergj Bojaxhi ka bërë një bukë në formën e numrit të partisë Sfida për Shqipërinë në fletën e votimit: 4.

Kandidati i Sfidës tregon se e bën bukën vetë prej më shumë se 15 vitesh.

“E kam traditë të bëj bukën për çdo ditë për familjen time dhe të paktën një për t’ua dhuruar miqve. Dihet që nuk ka siguri më të madhe sesa t’i përgatisësh gjërat vetë”,- tha Bojaxhi.

Gjergj Bojaxhi tregon se me rastin e fushatës bëri bukën në formën e numrit 4 të Sfida për Shqipërinë, për të treguar se qytetarët duhet ta bëjnë vetë politikën: Sfida është mjeti i tyre.

“Me një grup qytetarësh vendosëm të bëjmë Sfidën për Shqipërinë, e cila në fletën e votimit ka këtë numër, 4. Nëse duam një politikë të pastër duhet ta bëjmë vetë, për familjet tona, për miqtë tanë, për veten tonë”. /Blitz.al/

Shperndaje